Türkiye lela milionura nashle manushen thaj olengo avipe dzi pe sastimasko protektiribe si phareder vash e kulturikane thaj chibjakere bariere. Zurerarkeribe e migrantongo pachaipe ande sastimaskere sistemura thaj e sastimaskere profesionalcura, si klejutni komponenta te lokjarel pes olengo avipe dzi pe sstimasko sistemo. 

 Cilo thaj objektivura:

Khetanutno cilo e Türkiye-ko, e EU-ko thaj WHO si, e Sirijakere hasarde manusha te prendzaren pes e Turkijakere sastimasko sistemosar te shaj te prakticirinen e medicina ande Türkiye thaj te del pes direktno sastimaskere servisura e Sirijakere nashle manushenge ande Turkijaki societa thaj te zurarel olen te del pes serviso e komunitetake. I inicijativa azhutile te harnjarel pes vi o pharipa upral e Turkijako sastimasko sistemo. 

 Target grupa:  

I inicijativa targetirinela e Sirijakere sastimaske samakere bucharnen save kotor e 3.7 millionura Sirijakere migrantondar dislocirime ande Türkiye. Specijalno, i inicijativa si dizajnirimi vash e doktora, medicinakere pheja, akusherke thaj javer medicinakere specijalistura. 

 Metodo:

E Sirijakere sastimaskere buchara si identifikuime thaj dzan pe teoretikano thaj praktikano treningo ko jekh kotar e efta trening centrura etablirime trujal o them (Ankara, Gazantiep, Sanliurfa, Izmir thaj Mersin), teli supervizija katar e Turkijakere medikalno profesionalcur. Kote, von lena adaptirimo kurso kerdino kotar WHO themesko ofiso ande Türkiye. Kana sas i Kovid-19 Pandemija, o treningo sine kerdino digitalno trujal specijalno dizajnirimi platform vash sikljovipe. E kursen isi modulura vash mentalno sastipe, psihosocijalno treningo vash sitacije kana isi naturakere katastrofe, nasvalimata so na dzana manushestar ko vaver, chavorengo buhljaripe, sistemo vash sastimasko rekordiribe, thaj sikuripe ani buti. E centrura trenuin vi translatoren te shaj te oven kulturikane medijatorura ande medcinakere khera. Ko agor, e Sirijakere profesionalcura lena autorizacija te keren buchi ande Turkijako sastimasko sistemo. 

 Efekto:

Kana astardas pes o programo, milje thaj milje sastimaskere profesionalcura nakhle trujal leste. Sicharimaskere materijalura sasa kerdine sar kotor programostar thaj lena pes vi te trenuin pes e Turkijakere profesionalcura vash mentalno sastipe. 

 Dodendino kuchipa:

Deibe buchi e Sirijakere sastimaskere profesionalconge ande Türkiye si lacho vash harnjaribe chibjakaere thaj kulturikane barieronge ano avipe dzi pe sastimaski sama. Olengo zurarkeribe thaj integriribe ande Türkiye, dela e nashle manushenge profesionalno shajipena thaj buteder dzanlipa. Kodo zurarkerga o klulturikano senzibiliteto ano sastimasko sistemo thaj azhutisarda te bajrarel pes I reziliencija pe lokalno nivelo. Buteder generalnikane, kodo lacharkerdas o sastimasko dzanlipa mashkar e Sirijakere hasardine manusha. 

 Cilo thaj objektivura:

Kodi revizija kerdini katar e Nacionalno Agencija vash Dzanlipe Manushengo, khamel e Irlandako serviso vash sastimasko dzanlimaskere servisura te kerel te ovel buteder amalikano thaj te analizirinen pes e dzanlipena, vi e individualcongo vi e servisengo. I revizija dikhel e sastimasko serviso sar diso so naj te ovel bariera vash o tretmano. Kerela buchi upral kodo te del suporto e sastimaskere servisoske ande sako jekh konteksto: promoviribe, protekcija, prevencija, avipe dzi pe grizha thaj ikeripe. 

 Target grupa:

I responsibiliteta te keren pes e sastimaskere aktivitetura lokheder thaj e servison lokheder vash avipe dzi lende si upral e pikhe kadalengo save den e servisura. E organizacijen isi responsibiliteta te kerel pengor trujalipe lokheder avipaske thaj lokheder navigacija. Dzikote e dzanlipena butivar si dikhline sar individualcongi responsibiliteta, si importantno te dikhen pes vi e dzanlipa so isi e sastimaskere profesionalcon. 

 Metodo:

Kodi sastimasko dzanlimaski revizija promovirinela haljovibe te dikhel pes kobor/sode si o dzanlipe amalikano keripen si. Kodi revizija azhutisarel te identifikuin pes e shajutne barijere vash e bare manusha thaj lengere dzanlimaskere pharipena. E sastimaskere buchara trubuj te dikhen kobor thaj sar si o dzanlipe amalikano an lengere ramosarde materijalura, web rigore thaj generalno komunikacija vash e publika. I revizija si dizajnirime te azhutil te analizirinel pest haj rekorduil pes sar e pacientura thaj kadala so len e servisura shaj te arakhen pes pharipenencar kana aven dzi pe sastimaskere servisura thj te ahaljoven pes e administracijakere mesazhura thaj te sikavel kote shaj te kerel pes diso lacheder. 

 Efekto:

Sako jekh organizacija shaj te kerel pesko specifikano dzanlimasko plano bazirimo upral e rezultatura revizijatar. Kodi lista sumiribastar shaj te azhutil te dikhel pes panda svi buchi trubuj te kerel pes. 

 Dodendino kuchipa:

E revizijako instrument azhutil te kvalifikuil thaj te organizuil pes i buchi e sastimaskere servisongere organizacije te aven buteder amalikane ande sastimasko dzanlipe. Kodo metodo shaj te adaptuil pes pe lokalnikane trubujimata. 

 Literacy Audit for Healthcare Settings - Ireland

 Cilo thaj objektivura:

Leibe informacije vash i societa/them kote so trajil/dzivel pest haj leibe dzanlipe sar te ovas samale vash amaro sastipe si keljutni buchi vash integriribe ano them/societa. Kodo si legarimasko princilo vash e civilne thaj sastimaskere komunikatorura so keren buchi trujal o Shvedo. 
MILSA si dzanlipaste bazirimi azhutimaski platform vash migracija thaj sastipe so kerel produkcija thaj azhutil o metodologikano buhljaripe vash sastimasko promoviripe thaj inkluzivno recepcija vash e neve avile migrantura ande Shvedijako them/societa. 

E edukacijaki MILSA platform si nacionalno inicijativa vash civilno thaj sastimaskere komunikatorura fokusesar upral edukacija, eksperiencongoro ulavipe thaj drakhinkeribe. O projekto si azhutisardo katar e Europutno Socijalno Fondo, thaj Ministeriumo vash Sastimos thaj Socijalne Butja ano Shvedo. O projekto kerel kooperacija e univerzitetoncar thaj ekspertonca butedere umalendar, administracijakere bordencar, komunencar thaj civilno societakere organizacijencar vi pe nacionalno, vi pe internacionalno nivelo. 

O rodljaripe so kerel i MILSA si orientirimo pe integriribaskoro sistemo thaj trubujimata save nisi e neve aviline migranton, thaj legarela pes pala bari kooperacija mashkar buteder univerzitetura thaj multi-nivelongere agencije so keren buchi e neve avile migrantoncar. I buchi bazirinel pes upral o sastipe, leindoj vi vaera tematura, sar so si societaki participacija thaj zurarkeribe, mentalno sastimos thaj lachipa, bucha phangle kherencar, ekonomikano streso, pachaibe thaj pakhiv. 

 Target grupa:

Pashe 200 komunikatorura dena civilno orientacija thaj sastimaski komunikacija pe buteder chiba trujal o them. MILSA-ko edukacijako programo ucharen 22 esencijalno tematura pe diferentno dzivdipaskere aspektura thaj dzal 18 chona te kompletirinel pes. 

Sichara butedere univerzitetondar, khetane ekspertoncar, keren o kontento pe edukacija so ikerela pes duraldan, kerindoj vi praktikane trening sesije thaj fizikane khidipena. 

 Metodo:

Pala deibe unificirimi edukacija vash e civilno thaj sastimaskere komunikatorura, i MILSA producirinela lila sicharibaske civilno thaj sastimaski komunikacija thaj legarimaskere lila pe metodura vash e komunikatorura. E tekstlila si bazirime upral nacionalno civilno orientacijaki regulacija thaj khamel te kerel horeder tematongire arejengo haljovipe. E metodengo liloro si vash kodo te del praktikano azhutipe e komunikatorenge ande klaseski soba. Sar misal, phenel sar te kerel pes sigurno trujalipa ande klaseski soba, sar te sigurinel pes kaj e participantura lena thaj ahaljovena e komunicirime informacija, sar te diskutin vash senzibilno tematura thaj save si e limitiriba pe komunikatorengi rola. 

 Efekto:

I MILSA edukacijaki platform kerel fremo vash drakhinkeribe, kooperacija thaj eksperiencongo ulavipe mashkar e komunikatorura thaj javera profesionalcura so keren buchi pe migracija, sastipe thaj integracija. 

 Dodendine kuchipa:

I buchi ande MILSA edukacijaki platform si vazdimi upral e civilno orientacija pe unikatno potencijalo vash e neve avile migrantura, sar vi shajipena vash integracija, bucharipe thaj sastimos. 

 MILSA | Partnerskap Skåne (partnerskapskane.se)

 Cilo thaj objektivura:

Sastimaskere profesionalcura save keren buchi ande khera phure manushenge, ko direktno kotakto e khovle thaj nasvale phure manushencar, si esencijalno vash avipe dzi pe adekvatno sama vash kadala komorbiditetosar thaj bilacho suporto familijatar. E manushen so keren buchi pe kadala thana, isi specifikani rola thaj responsibilteto te garantirinen majlacho dzivdipasko kvaliteto vash kadala phureder manusha. Te dikhel pes kobor bare si olengere sastimaskere dzanlipa thaj kompetencije, si avguno phundro pe kodo te haljovel pes sar thaj kana te kerel pes targetirimo sastimasko dzanlipasko programo vash lende. 

 Metodo :

• promovirindoj koncepto vash sastimasko dzanlipe ande kadala khera phurenge;
• promovirindoj vi specifikane zora thaj programura te bajrarel pes sastiamsko dzanlipe vash sastimaskere profesionalcura pe kadala khera phurenge;
• involvirindoj e direktoren thaj e personal pe khera phurenge ande sstimasko dzanlipaskere programura;
• kerindoj metodo ‘organizirimo sastimasko dzanlipe’ ande khera phure manushenge. 

 Efekto:

E khera phure manushenge - via edukacija pengere direktorenge thaj bucharnenge – adoptuin ‘organizirimo sastimasko dzanlipe’ metodo sar principalno menadziribe, cilosar te garantirinel pes adekvatno sama vash phureder manusha, specijalno kadalenge so si khovle thaj bizorale. 

Sar sekundarno cilo, e bareder sastimaskere dzanlipena vash kadala sastimaskere profesionalcura, azhutil olen vi vash olenge khere pengere familijencar. 

 Dodendino kuchipa:

E dzanlipena thaj e kompetencije ande sastimasko dzanlipe vash bucharne thaj profesionalcija ande khera phure manushenge, teli fremo e ‘organizirime sastimasko dzanlipe’ metodo, dela suporto vash kodo sar te azhutil pes e phureder manushnge ande institucionalizirime khera olenge. Kodo azhutil e sastimaskere samakere profesionalcon te aplicirinen pengere dzanlipena thaj kompetencije an lengoro sakodivesesko bucharne dzivdipena.