Իրավաբան մասնագետները, ովքեր գտնվում են մարդու իրավունքների պաշտպանության առաջնագծում, պետք է իմանան մարդու իրավունքների եվրոպական չափանիշները՝ դրանք արդյունավետ կիրառելու համար: Ուստի նրանք արժանի են ստանալ որակյալ վերապատրաստում, որը տրամադրում է Եվրոպայի խորհրդի HELP ծրագիրը: Ավելին, HELP առցանց դասընթացները կարող են հարմարեցվել երկրների, հաստատությունների և մասնագետների տարբեր կարիքներին: 2015թ.-ից ի վեր այլ մասնագետներ, ինչպես օրինակ դատարանների աշխատակիցներ, քրեակատարողական հիմնարկների կամ պրոբացիոն ծառայության աշխատակիցները, բուժաշխատողներն ավելի ու ավելի են հետաքրքրված HELP դասընթացներով։ 

Իրավաբանական ոլորտի մասնագետների համար մարդու իրավունքների կրթության Եվրոպայի խորհրդի ծրագրի (HELP) հիմնական նպատակն է բարձրացնել դատավորների, իրավաբանների և դատախազների կարողությունները Եվրոպայի խորհրդի անդամ բոլոր 46 երկրներում և դրանից դուրս՝ ամենօրյա աշխատանքում մարդու իրավունքների եվրոպական չափանիշները կիրառելու: Դա արվում է HELP առցանց դասընթացների միջոցով, որոնք ընդգրկում են մարդու իրավունքների մի շարք թեմաներ:

Նախաձեռնության նպատակն է զարգացնել իրավաբան մասնագետների կարողությունները և հմտությունները (և ըստ անհրաժեշտության՝ վերաբերմունքի փոփոխություններ)՝ մարդու իրավունքների եվրոպական չափանիշների արդյունավետ կիրառման համար, հիմնականում Արևելյան գործընկերության երկրներում մասնագիտական վերապատրաստման և համալսարանական կրթության միջոցով:

 Հայերեն լեզվով HELP դասընթացներ