Եվրոպայի խորհրդի գլխավոր քարտուղար Մարիա Պեյչինովիչ Բուրիչը մայիսի 5-ին նշվող Եվրոպայի օրվան ընդառաջ հետևյալ հայտարարությամբ է հասդես եկել. «75 տարի առաջ 10 եվրոպական երկիր հիմնեցին Եվրոպայի խորհուրդը։ Եվ այսօր, Եվրոպայի օրը մենք ամբողջ եռանդով ծարունակում ենք այն արտասովոր և եզակի դերակատուրումը, որը մեր կազմակերպությունը ունեցել է երեք քառորդ դարի ընթացքում․ մարդու իրավունքների, ժողովրդավարության և իրավունքի գերակայության իրավական չափանիշների սահմանում, որպեսզի մեր 46 անդամ երկրներում մարդիկ իրավունք ունենան ապրելու խաղաղության, անվտանգության և արժանապատվության պայմաններում:
«Ցավոք, այդ խոստումը միշտ չէ, որ կարողացել ենք պահել։ Այն, ինչ մենք տեսնում ենք այսօր մեր անդամ երկրում՝ Ուկրաինայում, որը շարունակում է իր խիզախ և կարևոր դիմադրությունը Ռուսաստանի սարսափելի ագրեսիվ պատերազմին։ Այնուամենայնիվ, կասկած չկա, որ մեր մայրցամաքում ապրող մարդկանց կյանքը փոխվել և փրկվել է Մարդու իրավունքների եվրոպական կոնվենցիայի և Եվրոպայի խորհրդի կողմից մշակված ավելի քան 200 իրավական փաստաթղթերի շնորհիվ:
«2024 թվականին, Եվրոպայի օրը առաջ նայելու հնարավորություն է: Ռեյկյավիկի օրակարգին համապատասխան՝ Ուկրաինայի ապագան, Արհեստական ինտելեկտի ազդեցությունը և շրջակա միջավայրի խնդիրները մեր ժամանակների կարևորագույն մարտահրավերներից են: Այժմ գործելը կենսական նշանակություն ունի ոչ միայն մեզ համար, այլև հաջորդ սերունդների համար:
«Մոտ ապագայում Եվրոպայի խորհուրդը պատրաստվում է անցկացնել երիտասարդական համաժողով՝ «Վստահություն վաղվա նկատմամբ» խորագրով: Միասին աշխատելով՝ կարող ենք արդարացնել այդ վստահությունը՝ մեր արագ զարգացող հասարակությանը ապահովելով լավագույն արժեքներով: Արժեքներ, որոնք առաջնորդել են մեր գործողությունները 75 տարի շարունակ։ Ի շահ բոլոր եվրոպացիների։
Շնորհավոր Եվրոպայի օրը»:
Կոնտակտներ