2024 թվականի փետրվարի 27-ին Երևանում կայացած այլընտրանքային խափանման միջոցների վերաբերյալ միջոցառումը նշանակալի քայլ է հանդիսանում Հայաստանի քրեական արդարադատության համակարգում առկա հրատապ խնդիրների լուծման ուղղությամբ։ Հանդիպումը, որին մասնակցում էին շահագրգիռ կողմերը՝ Արդարադատության նախարարության ներկայացուցիչները, Պրոբացիայի ծառայությունը, ինչպես նաև Եվրոպայի խորհրդի ազգային և միջազգային խորհրդատուները, ընդգծում է իշխանությունների վճռական ջանքերը նոր խափանման միջոցների և պատժամիջոցների արդյունավետ ներդրման հետ կապված խնդիրների նորարարական լուծումներ գտնելու ուղղությամբ:
Միջոցառման կարևոր կետերից մեկն էլեկտրոնային մոնիթորինգի միջոցների կիրառման շուրջ քննարկումն էր, հատկապես տնային կալանքի դեպքերում: Էլեկտրոնային մոնիթորինգը իրավախախտների նկատմամբ վերահսկողության ժամանակակից մոտեցում է, որը թույլ է տալիս նրանց պատիժը կրել հասարակության մեջ՝ էլեկտրոնային հսկողության ներքո, ինչը նվազեցնում է բանտային համակարգի ծանրաբեռնվածությունը և անհատներին հնարավորություն է տալիս կապեր պահպանել իրենց ընտանիքների և համայնքների հետ: Քննարկումների ընթացքում քննարկվել են էլեկտրոնային մոնիթորինգի գործնական ասպեկտներն ու հնարավոր խնդիրները:
Միջոցառումը նաև հնարավորություն ընձեռեց ծանոթանալու Եվրոպայի խորհրդի չափանիշներին և օգտվելու եվրոպական տարբեր երկրների փորձից՝ այլընտրանքային խափանման միջոցներ կիրառելու հարցում: Գիտելիքների և լավագույն փորձի այս փոխանակումը կարևոր նշանակություն ունի միջազգային չափանիշներին համապատասխան տնային կալանքի, վարչական հսկողության և ազատության սահմանափակման կիրառման գործում Հայաստանի մոտեցումը ձևավորելու համար։
Հավաքվածների մասնակցությունը հնարավորություն տվեց իրականացնել գաղափարների բաց փոխանակում և անդրադառնալ Հայաստանում առկա խնդիրների վերաբերյալ հարցերին և հիմնավորումներին՝ կարևորելով շահագրգիռ կողմերի միջև համագործակցության և համակարգման շարունակականությունը: Հանդիպման արդյունքները կօգտագործվեն ազգային և միջազգային խորհրդատուների կողմից մշակվող այլընտրանքային միջոցների օգտագործման ուղեցույցները լրամշակելու համար՝ հաշվի առնելով այլ երկրների լավագույն փորձը, որոնք համապատասխանում են տեղական համատեքստին: Սա առաջին փորձն է՝ օգնելու տեղական իշխանություններին ունենալ քայլ առ քայլ փաստաթուղթ, որը կօգնի էլեկտրոնային միջոցների համար պատասխանատու պրոբացիոն ծառայության աշխատակիցներին կողմնորոշվել այլընտրանքնային խափանման նոր միջոցների կիրառման հարցում:
Կիրառելով այլընտրանքային խափանման միջոցները և ուսումնասիրելով քրեական արդարադատության նորարարական մոտեցումները՝ Հայաստանը կարող է ևս մեկ քայլ կատարել դեպի ավելի վերականգնողական և մարդասիրական համակարգ, որտեղ առաջնային են ինչպես հանրային անվտանգությունը, այնպես էլ անհատի իրավունքները:
Հանդիպումը կազմակերպվել է Եվրոպայի խորհրդի «Աջակցություն Հայաստանում Պրոբացիայի ծառայության հզորացմանը» ծրագրի շրջանակներում, որն իրականացվում է Եվրոպայի խորհրդի՝ Հայաստանի համար 2023-2026 թվականների Գործողությունների Ծրագրի շրջանակներում։
Կոնտակտներ