Երեխաների պաշտպանության միջազգային օրվա առթիվ Երևանում Եվրոպայի խորհրդի գրասենյակը կազմակերպել էր ինտերակտիվ միջոցառում Անանիա Շիրակացու անվան ճեմարանում:
Եվրոպայի խորհրդի 75-ամյակի միջոցառումների շրջանակում անցկացված հանդիպման նպատակն էր բարձրացնել միջին և ավագ դպրոցի աշակերտների իրազեկվածությունը իրենց իրավունքների և Եվրոպայի խորհրդի մասին՝ ներգրավելով թեմատիկ ուսումնական խաղերի ու վարժություններ մեջ և միաժամանակ խթանելով բովանդակալից քննարկումները, ստեղծագործական ունակությունները և կարողությունների հզորացումը:
Եվրոպայի խորհրդի աշխատակիցները հանդես եկան ելույթներով երեխաների իրավունքների, իրավունքների պաշտպանության և խթանման գործում Եվրոպայի խորհրդի դերի և ազդեցության, ինչպես նաև տեղեկացված և պատասխանատու քաղաքացիներ դառնալու կարևորության մասին։
Աշակերտները հնարավորություն ունեցան նաև ցուցադրելու իրենց ստեղծարար հմտությունները:
Այս միջոցառումն անցկացվել է «Հայ երեխաների իրավունքների պաշտպանությունը հետկոնֆլիկտային համատեքստում» ծրագրի շրջանակում։
Կոնտակտներ