2022 թվականի օգոստոսի 10-ին տեղի ունեցավ Կենսաէթիկայի հիմնական սկզբունքների վերաբերյալ HELP առցանց դասընթացի մեկնարկային միջոցառումը՝ իրավաբանների և առողջապահական ոլորտի մասնագետների՝ մասնավորապես առողջապահության նախարարության, արդարադատության նախարարության, ՀՀ ԱՆ Առողջապահության ազգային ինստիտուտի, ՀՀ առողջապահական և աշխատանքի տեսչական մարմնի ներկայացուցիչների, ինչպես նաև բժիշկների և առողջապահության ոլորտի այլ մասնագետների, փաստաբանների մասնակցությամբ։
Միջոցառման ընթացքում ողջույնի խոսքով հանդես եկավ Եվրոպայի խորհրդի մարդու իրավունքների ու կենսաէթիկայի բաժնի իրավական գծով պատասխանատու Լի Հիբբարդը։
Կենսաէթիկայի ոլորտում Եվրոպայի խորհրդի կատարած աշխատանքների, մասնավորապես, Օվիեդոյի կոնվենցիայի և լրացուցիչ արձանագրությունների ընդհանուր ներկայացումից հետո մասնակիցներին ներկայացվեց HELP ծրագիրը, ինչպես նաև HELP դասընթացների առցանց հարթակը (ավելի քան 35 դասընթացներով, որոնք հասանելի են ավելի քան 300 ադապտացված տարբերակներով և ամբողջ աշխարհում ընդգրկում են ավելի քան 90000 օգտատեր)։
«Բժշկական գաղտնիք» և «Օրգանների ու հյուսվածքների փոխպատվաստում» թեմաների վերաբերյալ բովանդակային զեկույցներով հանդես եկան առողջապահական իրավունքի և բիոէթիկայի հետազոտական խմբի ղեկավար և «Մարդու իրավունքների պաշտպանությունը կենսաբժշկության ոլորտում » ծրագրի միջազգային խորհրդատու Խոաքին Կայոն Դե Լաս Քուևասը և «Մարդու իրավունքների պաշտպանությունը կենսաբժշկության ոլորտում» ծրագրի ազգային խորհրդատու Սամվել Գրիգորյանը։
Դասընթացները առաջիկա երկու ամսվա ընթացքում վարելու են HELP ծրագրի ազգային հավաստագրում ունեցող երեք դասընթացավարներ՝ Առողջապահության ազգային ինստիտուտի փորձագետ-իրավաբան, հավաստագրված դասընթացավար Կարինե Աբրահամյանը, Առողջապահության նախարարության իրավաբանական վարչության իրավական ապահովման բաժնի պետ Գոհար Ղուկասյանը և առողջապահության նախարարության իրավաբանական վարչության պետ Աննա Մկրտումյանը։ Դասընթացները հաջողությամբ ավարտած մասնակիցները կստանան հավաստագեր։
Դասընթացները կազմակերպվել են Եվրոպայի խորհրդի «Մարդու իրավունքները կենսաբժշկության մեջ» ծրագրի շրջանակներում։