Նախարարների կոմիտեի CM/Rec(2019)11 հանձնարարականը ԵԽ անդամ պետություններին՝ միգրացիայի համատեքստում առանց ուղեկցության և առանձնացված երեխաների արդյունավետ խնամակալության մասին, թարգմանվել և հրատարակվել է հայերեն: Հանձնարարականը նպատակ ունի օգնել ինչպես որոշում կայացնողներին, այնպես էլ պրակտիկ աշխատողներին՝ խնամակալության միջոցով ապահովելու առանց ուղեկցության և ընտանիքից անջատված երեխաների պաշտպանությունը, ընդունելությունը, խնամքը և բարեկեցությունը:
Կարևոր այս փաստաթղթի հայերեն տեքստը ներկայացվել է Եվրոպայի խորհրդի՝ Հայաստանի համար իրականացվող գործողությունների 2023-2026 թթ․ ծրագրի շրջանակում իրականացվող «Երեխաների իրավունքների պաշտպանությունը» ծրագրի Ղեկավար կոմիտեի առաջին նիստի ժամանակ: Միջոցառմանը ներկա են եղել ավելի քան 25 մասնակիցներ Եվրոպայի խորհրդից, նախարարություններից և քաղաքացիական հասարակությունից։ Հատուկ ընդգծվել է, որ Նախարարների կոմիտեի այս հանձնարարականի պատշաճ ու արդյունավետ իրականացումը պաշտպանելու և խթանելու է Հայաստանում երեխաների իրավունքները, այդ թվում՝ առանց ուղեկցության և ընտանիքից անջատված երեխաների իրավունքները։
