Հաշտարարության համապարփակ ուսումնական ծրագիրը՝ կազմակերպված «Աջակցություն դատաիրավական բարեփոխումների իրականացմանը Հայաստանում» ծրագրի շրջանակներում, մեկնարկել է նոյեմբերի 17-ին և կտևի մինչև նոյեմբերի 24-ը։
Քսան ապագա հաշտարար ակտիվորեն մասնակցում են դասընթացին, որի նպատակն է ուժեղացնել երկրի՝ վեճերի լուծման այլընտրանքային համակարգը՝ բարձր որակավորում ունեցող հաշտարարների խմբի ձևավորման միջոցով։ Ընդհանուր 40 ժամ տևողությամբ ուսումնական ծրագիրը ներառում է հաշտարարության տեսության հիմնարար սկզբունքները և դրա գործնական կիրառումը։ Եվրոպայի Խորհրդի փորձագետները մշակել են ծրագիր, որի նպատակն է մասնակիցներին տրամադրել ապագա հաշտարարների՝ իրենց դերում գերազանց լինելու համար անհրաժեշտ գիտելիք և հմտություններ։
«Դասընթացը մեծ ներդրում է Հայաստանում հաշտարարության ինստիտուտի կայացման գործում։ Փորձառու դասընթացավարները համադրելով տեսական և գործնական մեթոդները, ներկայացնելով իրենց փորձը՝ օգնում են հասկանալ հաշտարարության բնույթը, յուրացնել անհրաժեշտ գործիքակազմը։ Դասընթացը կարևոր նշանակություն ունի նաև Հայաստանում հաշտարարների համայնքի կայացման գործում՝ համատեղ ուսման գործընթացի շնորհիվ»,- նշեց Քաղաքացիական հասարակության ինստիտուտի նախագահ Արտակ Կիրակոսյանը։
Այս նախաձեռնության կարևորագույն կետերից է Եվրոպայի խորհրդի, ՀՀ արդարադատության նախարարության և Արբիտրաժի և հաշտարարության հայաստանյան կենտրոնի (ԱՀՀԿ) արդյունավետ համագործակցությունը։
«Շնորհակալ ենք Եվրոպայի խորհրդի մեր գործընկերներին այս կարևոր դասընթացի կազմակերպմանն աջակցելու համար: Մեզ համար կարևոր է, որ հաշտարարների համայնքը համալրեն նոր կադրեր և վերակենդանացնեն հաշտարարության ոլորտը, որը տարիներ առաջ ներդրվելուց հետո այդպես էլ չի զարգացել: Անցած տարի տեղի ունեցած օրենսդրական փոփոխություններով նոր գործիքներ են ներդրվել, որոնց կիրառման համար անհրաժեշտ են փորձառու մասնագետներ և այս դասընթացն այդ բարեփոխումների շարունակական տրամաբանությունն է»,- ասաց ՀՀ արդարադատության նախարարության «Օրենսդրության զարգացման կենտրոն» հիմնադրամի տնօրեն Տիգրան Դադունցը։
Այս համագործակցությունն արտացոլում է ներգրավված շահագրգիռ կողմերի հանձնառությունը համագործակցել արդարադատության բովանդակալից բարեփոխումների ուղղությամբ։ Վերապատրաստման ընթացքի հետ ակնկալվում է, որ այս ջանքերը երկարաժամկետ արդյունք կբերեն Հայաստանի արդարադատության համակարգի և իր շահագրգիռ կողմերի համար, ի թիվս այլոց՝ նվազեցնելով դատարանների ծանրաբեռնվածությունը։
Այս դասընթացը Եվրոպական միության և Եվրոպայի խորհրդի «Գործընկերություն հանուն լավ կառավարման» համատեղ ծրագրի մասն է, որը համաֆինանսավորվում է Եվրոպական միության և Եվրոպայի խորհրդի կողմից և իրականացվում է Եվրոպայի խորհրդի կողմից։
Դասընթացի կազմակերպմանն աջակցել է նաև Արբիտրաժի և հաշտարարության հայաստանյան կենտրոնը (ԱՀՀԿ)։
Նախապատմություն
«Գործընկերություն հանուն լավ կառավարման» (ԳԼԿ) Եվրոպական միության և Եվրոպայի խորհրդի համատեղ նախաձեռնությունն է՝ Արևելյան գործընկերության տարածաշրջանում լավ կառավարումն ամրապնդելու համար:
ԳԼԿ-ն տրամադրում է նպատակային աջակցություն Արևելյան գործընկերության երկրներին՝ մարդու իրավունքների, իրավունքի գերակայության և ժողովրդավարության ոլորտներում իրենց օրենսդրությունն ու պրակտիկան եվրոպական չափանիշներին մոտեցնելու համար: Այն աջակցում է, մասնավորապես, Արևելյան գործընկերության երկրների ներպետական բարեփոխումներին՝ արդարադատության ամրապնդման, տնտեսական հանցագործությունների դեմ պայքարի, հավասարության ապահովման և խտրականության բացառման, կանանց համար արդարադատության հասանելիության խթանման և կանանց նկատմամբ բռնության դեմ պայքարի նպատակով։
Բյուջե՝ 1 430 000 եվրո
Տևողություն՝ 2023 թվականի մարտի 1 – 2026 թվականի փետրվարի 28
Ներբեռնել 
