ეფექტიანი საქმიანობა
საჯარო დისკუსიის საკვანძო პრინციპს წარმოადგენს ის, რომ მან უნდა გაითვალისწინოს საკუთარი მონაწილეების ინტერესები და უფლებები, პრინციპს, რომელიც აგრეთვე ადამიანის უფლებებს უდევს საფუძვლად. საჯარო დისკუსიის ეფექტიანობას მხოლოდ ჩანაფიქრი ვერ განაპირობებს, არამედ ის აგრეთვე მოითხოვს, რომ დისკუსია პროცედურული სამართლის პრინციპების შესაბამისად წარიმართოს.
პროცედურული ზომები ხელს შეუწყობს დისბალანსისა და უთანასწორობისათვის წინააღმდეგობის გაწევას პროცესის წევრებს შორის, აქტივობის მონაწილეების ინიციატორებისა და სპონსორების ჩათვლით.
საჯარო დისკუსიის პროცესში ქცევის პრინციპების განსაზღვრა ხელს შეუწყობს პროცესის გამჭვირვალობასა და მის მიმართ პასუხისმგებლობის წახალისებას.
სამართლიანობა
პატივისცემა შესაძლოა ყველა მონაწილისათვის გულისხმობდეს განსაკუთრებულ ყურადღებას, ან განსაკუთრებული ნაბიჯების გადადგმას, გარკვეული ჯგუფების წახალისებას, მათთვის მონაწილეობის შესაძლებლობის მიცემასა და იმის უზრუნველყოფას, რომ ყველას ხმა სამართლიანად იქნება შესმენილი, მათი ჩათვლით ვინც საპირისპირო ან არატრადიციულ აზრებს გამოხატავს. მნიშვნელოვანია, რომ საჯარო დისკუსიაში ფოკუსირება მოხდეს დისკუსიის საკითხზე და არა მის მომხსენებელზე.
განსაკუთრებით უნდა იქნეს უზრუნველყოფილი, პატივისცემა ეთნიკური, კულტურული სოციალურ-დემოგრაფიული განსხვავებებისა და ყველა მონაწილის მიერ გამოხატული აზრის გათვალისწინების თანაბარი უფლება. პატივისცემისა და სამართლიანობის დემონსტრირება ინიციატივისადმი ნდობის განცდას ბადებს.
დებატების დამოუკიდებელ, მიუკერძოებელ და კვალიფიციურად წარმართვას შეუძლია უზრუნველყოს, რომ ყველა მონაწილეს ექნება საკუთარი აზრის გამოთქმის სამართლიანი შესაძლებლობა, სოციალური, პოლიტიკური, განათლებასა და ეკონომიკურ მდგომარეობაში განსხვავების მიუხედავად.
პირადი ცხოვრება
პერსონალს, ინდივიდების ცხოვრებისეულ გამოცდილებას ძალუძს სასარგებლო წარმოდგენის შექმნა, ინფორმაციასა და ფაქტობრივ მტკიცებულებასთან ერთად. ინდივიდებმა შესაძლოა თავიანთი პერსონალური გამოცდილება საჯარო დისკუსიისათვის მნიშვნელოვნად მიიჩნიონ და მათი სხვებისთვის გაზიარების სურვილი გაუჩნდეთ. აუცილებელია, რომ ამის განსახორციელებლად დისკუსიის დროს მათთვის „უსაფრთხო სივრცე“ იქნეს შეთავაზებული. პირადი ცხოვრების პატივისცემა დისკუსიის მონაწილეთა ანონიმურობის დაცვით, შესაძლოა მნიშვნელოვანი იყოს, მაგალითად მათ ცხოვრებაში მედიის ჩარევისგან დასაცავად. ნებისმიერ შემთხვევაში აღნიშული შესაძლოა ინფორმაციის დაცვის შესახებ კანონის ლეგალური მოთხოვნაც იყოს.
ზოგიერთი ინდივიდის დისკუსიაში მონაწილეობამ შესაძლოა მათი სუსტი მხარეები გამოაჩინოს და გახდეს მათი სტიგმატიზაციის, დისკრიმინაციისა და მათთვის პირდაპირი ზიანის მიყენების მიზეზიც კი. ამ ფონზე, სავარაუდოდ განსაკუთრებულ მნიშვნელობას იძენს, აღნიშნულის გათვალისწინება მაშინ, როდესაც აქტივობაში ჩართულები არიან ბავშვები და ახალგაზრდები. მრავალი სახის ბიოსამედიცინო მიღწევის შედეგად წამოიჭრება საკითხები, რომლებიც არაპროპორციულ გავლენას ახდენს გენდერულ განსხვავებებზე, ასაკისა და ჯანმრთელობის სტატუსზე ან უნარშეზღუდულობაზე, რასაც მოჰყვება სტრუქტურული უთანასწორობის გამწვავების საფრთხე იმ შემთხვევაში, თუ დაუცველი ჯგუფები ვერ შეძლებენ სამართლიან დებატებში მონაწილეობის მიღებას.
იქ, სადაც პროცესში განსაკუთრებული ჯგუფების ან შეთავაზებული ზომებისგან დაზარალებული ინდივიდების მონაწილეობა მნიშვნელოვანია და პირდაპირი მონაწილეობა უქმნის საფრთხეს მათ პირად ცხოვრებას, მონაწილეობის საშუალების ალტერნატიული ზომები უნდა იქნეს განხილული. მაგალითად ამის გაკეთება შესაძლებელია ვიდეოკავშირის, ნდობით აღჭურვილი შუამავლების მეშვეობით, ან წერილობითი წარდგენით. თუ მონაწილეობა განსაკუთრებით დაზარალებული ინდივიდებისაგან მოითხოვს ანონიმურობას, პროცესის ლეგიტიმაცია შეიძლება შენარჩუნდეს მაგალითად დამოუკიდებელი გარანტიის მეშვეობით.
აუცილებელია, გათვალისწინებული იქნეს პოტენციური კონფლიქტი გამჭვირვალობის მნიშვნელობასა და საჯარო დისკუსიაში მონაწილე ინდივიდების პირადი ცხოვრების დაცვის საჭიროებას შორის.
შესაძლოა მართებული იყოს განსხვავებული საზოგადოების განცალკევებით ჩართვა, იმ შემთხვევაში როდესაც სტრუქტურული ან სხვა მიზეზებით, გარკეეული ქვეჯგუფები ვერ მიიღებენ მონაწილეობას სხვებთან ერთად თანაბარი პირობებით.
„ჩატემ ჰაუსის წესის“ (Chatham House Rule) გამოყენებამ (იმის შესახებ, რომ მიღებული ინფორმაცისა შეიძლება მოგვიანებით გამჟღავნდეს, იმ პირობით, რომ არც ინფორმაციის მომწოდებლის ვინაობა და არც რომელიმე მონაწილის ვინაობა არ გამჟღავნდება) შეიძლება საშუალება მისცეს ადამიანებს, რომლებიც საჯარო დებატებში არიან ჩართული, თავისუფლად გამოხატონ აზრები, ამ საქციელის გამო ნეგატიური შედეგის მიღების შიშის გარეშე. თუ აღნიშნული წესის გამოყენება იგეგმება, პირობები წინასწარ უნდა შეთანხმდეს მონაწილეებთან და შემდგომში წესებიც ზედმიწევნით უნდა იყოს დაცული.
ინტერესთა გამჭვირვალობა
გამჭვირვალობა სამართლიანობის მნიშვნელოვანი ასპექტია. ინიციატორები და მონაწილეები ერთნაირად გულწრფელნი უნდა იყვნენ თავიანთ მიზნებთან და ინტერესებთან, საჯარო დისკუსიის დაფინანსებასთან და მასში მონაწილეობასთან და ნებისმიერი სახის დაფინანსების წყაროსთან დაკავშირებით. პირადი ინტერესების დაკმაყოფილების მცდელობის თავიდან ასაცილებლად, ხშირ შემთხვევაში მართებულია სპონსორებისა და ინიციატორების მიერ საკუთარი თავის პროცესიდან გამიჯვნა, ან დამოუკიდებელი პროფესიონალების ჩართვა საჯარო დისკუსიის მათი სახელით ჩასატარებლად.
მნიშვნელოვანი ინტერესები, საზოგადოების ინტერესებით არ შემოიფარგლება. გათვალისწინებული და გაცხადებული უნდა იქნეს პირადი ინტერესებიც, ვინაიდან მონაწილეების, ექსპერტებისა და დაინტერესებული მხარეების ფარულმა ინტერესებმა, შეიძლება შეარყიოს საჯარო დისკუსიისადმი რწმენა და მისი შედეგების დამაჯერებლობა. განსახილველი საკითხის მიმართ ინტერესის ქონა არ უნდა უშლიდეს ხელს, პროცესში ჩართვის შესაძლებლობას. არამედ პირიქით, სწორედ ეს უნდა იყოს პროცესში ჩართვის მიზეზი. თუმცაღა, საზოგადოებრივ ინტერესებთან დაკავშირებულ საკითხებთან მიმართებით, მასზე არ უნდა მოხდეს პრივილეგირებული ინტერესების გავლენა.
ინიციატორებმა, ექსპერტებმა, სპონსორებმა და მონაწილეებმა ღიად უნდა დააფიქსირონ ნებისმიერი ინტერესი, რაც მათ შეიძლება გააჩნდეთ ინიციატივასთან ან მის შედეგთან დაკავშირებით. ამის განხორციელება შესაძლებელია საკუთარი თავის პირველად წარდგენისას, ან ექსპერტების შემთხვევაში ინტერესთა წერილობითი გაცხადებით.
საჯაროობა
მნიშვნელოვანია, რომ ადამიანებმა მონაწილეობა მიიღონ საჯაროდ და კეთილი ნებით და არა საჯარო დისკუსიით მანიპულირებისათვის და საკუთარი ინტერესებისათვის. ეს განსაკუთრებით მნიშვნელოვანია, როდესაც სამეცნიერო ფაქტისა და მტკიცებულების საკითხები საჯარო დისკუსიას ეყრდნობა და მას თან დაერთვის ექსპერტის მტკიცებულება. სასურველია გასაგები, არა ტექნიკური, არაორაზროვანი ენის გამოყენება, გაუგებრობის თავიდან ასაცილებლად. მათ, ვინც ექპერტების მტკიცებულებებს გვთავაზობს, უნდა განმარტონ ნებისმიერი გაურკვევლობა და ტექნიკური ცოდნის საზღვრები. მნიშვნელოვანია გულწრფელობა წყაროების შესახებ. ექსპერტებს შეხსენება სჭირდებათ, რომ თავი აარიდონ შემფასებლურ ენას და თავისთვის შეინახონ საკუთარი აზრი.
მნიშვნელოვანია იმის უზრუნველყოფა, რომ შესაბამის მტკიცებულებას სათანადო ყურადღება დაეთმოს და ექსპერტების გაწონასწორებული აზრი, სამართლიანად იყოს წარმოდგენილი.
ექსპერტებს უნდა ეთხოვოთ, გულწრფელნი იყვნენ მათთვის ცნობილი საფრთხეებისა და მოსალოდნელი შედეგების, აგრეთვე მათი ცოდნისა და პროგნოზირების შესაძლებლობის ფარგლებთან დაკავშირებით.
ზოგ შემთხვევაში, როცა მიუკერძოებლობა ნაკლებ სავარაუდოა, ექსპერტების ჯვარედინმა შემოწმებამ ან საპირისპირო აზრის მქონე ექსპერტების მონაწილეობამ, შესაძლოა წონასწორობის მიღწევა უზრუნველყოს.