კვლევა აჩვენებს, რომ ქართულ საზოგადოებაში არსებული მრავალფეროვნების შესახებ ინფორმირებულობის დონე და ამ საკითხის მიმართ დადებითი დამოკიდებულება 2018-დან 2021 წლამდე პერიოდში გაზრდილია. ადამიანებს ახლა უფრო უადვილდებათ უმცირესობის ჯგუფის დასახელება, როცა ეკითხებიან პირველად რომელი ჯგუფი ახსენდებათ, როცა უმცირესობებზე ფიქრობენ. საზოგადოებას ახლა უფრო დადებითი დამოკიდებულება აქვს, ზოგადად, მრავალფეროვნების და ასევე ეთნიკური და რელიგიური მრავალფეროვნების მიმართ.
ბუქმარქსი - სახელმძღვანელო ადამიანის უფლებებათა სწავლების გზით ონლაინ სიძულვილის ენასთან ბრძოლისათვის
ბუქმარქსი სახელმძღვანელოა ადამიანის უფლებებათა სწავლების გზით ონლაინ სიძულვილის ენასთან ბრძოლისათვის. მისი მიზანია, მხარი დაუჭიროს „მოძრაობას სიძულვილის ენის წინააღმდეგ“ - ევროპის საბჭოს ახალგაზრდულ კამპანიას, რომელიც ებრძვის სიძულვილის ენას ინტერნეტსივრცეში, სახელმძღვანელო სასარგებლოა ამ პრობლემაზე მომუშავე განმანათლებლებისთვის, როგორც ფორმალური საგანმანათლებლო სისტემის შიგნით, ისე მის ფარგლებს გარეთ.
იხილეთ ახალი გამოცემა აქ: https://www.coe.int/fr/web/no-hate-campaign/publications-education
იხილეთ ქართული ვერსია აქ: https://www.coe.int/fr/web/no-hate-campaign/publications-education
იხილეთ სომხური ვერსია აქ: https://rm.coe.int/bookmarks-ar-9-web/1680a52786
იხილეთ აზერბაიჯანული ვერსია აქ: https://rm.coe.int/bookmarks-ar-9-web/1680a52786
ჩვენ შეგვიძლია! სიძულვილის ენის წინააღმდეგ მოქმედება საპირისპირო და ალტერნატიული ნარატივებით
ეს სახელმძღვანელო წარმოგიდგენთ კომუნიკაციურ და საგანმანათლებლო მიდგომებს და ინსტრუმენტებს ახალგაზრდებისთვის და ადამიანის უფლებათა აქტივისტებისთვის, რათა განავითარონ საკუთარი კონტრ და ალტერნატიული ნარატივები სიძულვილის ენის მიმართ.
“რატომ ვირჩევ თანასწორობას?”
"ერთად ჩვენი განსხვავებული თვისებებით ჩვენ ვქმნით იდეებს, კულტურებს, ლამაზ ფერებს, სასიამოვნო ხმებს, საინტერესო ფორმებს. ამ მრავალფეროვნებაში, ამ თანასწორობაში, ჩვენ უკეთესი მომავლის იმედი გვაქვს."
წინამდებარე კრებულში თავმოყრილია ევროპის საბჭოს საქართველოს ოფისის და საქართველოს განათლების, მეცნიერების, კულტურისა და სპორტის სამინისტროს მიერ ორგანიზებული კონკურსის გამარჯვებული ესეები.
კონკურსში მონაწილეობა მიიღეს 15-დან 18 წლამდე ასაკის მოსწავლეებმა. მათ უნდა მოემზადებინათ თემა დღევანდელ საქართველოში თანასწორობის და მრავალფეროვნების მნიშვნელობის შესახებ, საკუთარ მოსაზრებებზე და გამოცდილებებზე და/ან საქართველოს ისტორიაზე, ლიტერატურასა და კულტურაზე დაყრდნობით. მოსწავლეებმა თემაში უპასუხეს კითხვას: მე ვირჩევ თანასწორობას, რადგან...?
დაჯილდოების ცერემონია 2020 წლის პირველ ივნისს ონლაინ ჩატარდა. ევროპის საბჭოს საქართველოს ოფისისა და განათლების, მეცნიერების, კულტურისა და სპორტის სამინისტროს წარმომადგენლებმა მისასალმებელ სიტყვაში გამარჯვებულებს წარმატება მიულოცეს. ღონისძიების დროს, ქართველმა პოეტმა, რატი ამაღლობელმა ქართულ ლიტერატურაში თანასწორობისა და მრავალფეროვნების მნიშვნელობის შესახებ ისაუბრა.
საერთო ჯამში, 400-ზე მეტი ესე იყო წარმოდგენილი მთელი საქართველოს მასშტაბით, ხოლო საუკეთესო 10 ესე შეირჩა გამოსაცემად.
კვლევა „სიძულვილით მოტივირებული დანაშაული, სიძულვილის ენა და დისკრიმინაცია საქართველოში: საზოგადოების განწყობა და ინფორმირებულობა“
დისკრიმინაცია, სიძულვილით მოტივირებული დანაშაული და სიძულვილის ენა საქართველოში კვლავ პრობლემურ საკითხებად რჩება. ამას ადასტურებს უმცირესობების მიმართ, სავარაუდოდ, მტრული დამოკიდებულებით მოტივირებული გახმაურებული შემთხვევები. გარდა ამისა, საყურადღებოა დისკრიმინაციით მოტივირებული შედარებით პატარა ინციდენტები, რომლებიც ყოველდღიურად ხდება.
კვლევა მიზნად ისახავს საზოგადოების აღქმისა და ინფორმირებულობის შეფასებას შემდეგ საკითხებთან დაკავშირებით:
- ქართულ საზოგადოებაში არსებული მრავალფეროვნება;
- უმცირესობებისა და მოწყვლადი ჯგუფების უფლებები;
- დისკრიმინაციის, სიძულვილით მოტივირებული დანაშაულისა და სიძულვილის ენის გავრცელების მასშტაბები ქართულ საზოგადოებაში და მათი გავლენა კონკრეტულ ჯგუფებზე;
- დისკრიმინაციის, სიძულვილით მოტივირებული დანაშაულისა და სიძულვილის ენის წინააღმდეგ არსებული ეროვნული კანონმდებლობა;
- სამართლებრივი დაცვის მექანიზმები და მათი ეფექტურობა;
- აღნიშნულ საკითხებზე სხვადასხვა აქტორის მუშაობა.
გადმოწერე კვლევა „სიძულვილით მოტივირებული დანაშაული, სიძულვილის ენა და დისკრიმინაცია საქართველოში: საზოგადოების განწყობა და ინფორმირებულობა“
უყურე ვიდეოს კვლევის ძირითადი მიგნებების შესახებ
კომპასი (სახელმძღვანელო ადამიანის უფლებათა განათლების სფეროში ახალგაზრდების მონაწილეობით)
კომპასი შესაძლებლობას აძლევს ახალგაზრდა ლიდერებს, მასწავლებლებსა და ადამიანის უფლებების შემსწავლელი საქმიანობის განმახორციელებლებს, მოხალისეებს თუ პროფესიონალებს, კონკრეტული იდეებითა და პრაქტიკული სავარჯიშოებით ჩართონ ახალგაზრდები და ასევე მოტივაცია მისცენ მათ, რათა იცხოვრონ, ისწავლონ და იმოქმედონ ადამიანის უფლებებისთვის. ის ხელს უწყობს ადამიანის უფლებების სწავლების შესახებ ყოვლისმომცველი პერსპექტივის განვითარებას და ახალგაზრდებს შესაძლებლობას აძლევს გახდნენ ადამიანის უნივერსალური უფლებების კულტურის შემქმნელები.
„კომპასიტო“ - სახელმძღვანელო ადამიანის უფლებათა განათლების სფეროში ბავშვებისთვის
ბავშვები, რომლებიც სხვა ადამიანებს შორის ცხოვრობენ თავიანთ ოჯახებში, თემებსა და საზოგადოებაში, ძალზე ადრეული ასაკიდან ხვდებიან სამართლიანობასთან დაკავშირებულ საკითხებს და სამყაროს არსის გაგებას ცდილობენ. სახელმძღვანელო "კომპასიტო" გათვალისწინებულია იმ მასწავლებლებისთვისა და ტრენერებისთვის, რომელთაც უწევთ ბავშვის უფლებების სწავლება 7-დან 14 წლამდე ასაკის ბავშვებისთვის..
ევროპული კომისია რასიზმისა და შეუწყნარებლობის წინააღმდეგ (ECRI)
ევროპული კომისია რასიზმისა და შეუწყნარებლობის წინააღმდეგ (ECRI) ეს არის დამოუკიდებელი ორგანო, რომელიც ახორციელებს ადამიანის უფლებების მდგომარეობის მონიტორინგს და სპეციალიზდება რასიზმსა და შეუწყნარებლობასთან დაკავშირებულ საკითხებზე. იგი შედგება დამოუკიდებელი, მიუკერძოებელი წევრებისაგან, რომლებიც ახორციელებენ მონიტორინგს რასიზმის, ეთნიკური წარმოშობის, მოქალაქეობის, ფერის, რელიგიისა და ენის საფუძველზე განხორციელებული დისკრიმინაციის, ასევე ქსენოფობიის, ანტისემიტიზმისა და შეუწყნარებლობის საკითხებზე, ამზადებენ ანგარიშებს და გამოცემენ რეკომენდაციებს წევრი სახელმწიფოებისთვის.
ეროვნული უმცირესობების დაცვის შესახებ ევროპული ჩარჩო კონვენციის მრჩეველთა კომიტეტი (FCNM)
ეროვნული უმცირესობების დაცვის შესახებ ევროპული ჩარჩო კონვენციის მრჩეველთა კომიტეტი (FCNM) კონვენციაზე დაფუძნებული მონიტორინგის მექანიზმია, რომელიც შედგება დამოუკიდებელი ექსპერტებისაგან. მას ევალება შეაფასოს მონაწილე სახელმწიფოების მიერ ჩარჩო კონვენციის განხორციელების პროცესი. ყველა შესაბამისი ინფორმაციის (სახელმწიფო მოხსენებების, არასამთავრობო ორგანიზაციების შენატანების, სხვა შესაბამისი წყაროების, ადგილზე მისიის დროს შეგროვებული ინფორმაციის) შემოწმების შემდეგ, მრჩეველთა კომიტეტი გამოსცემს ქვეყნის შესახებ სპეციფიკურ მოსაზრებებს, რომელთა დასკვნებს მინისტრთა კომიტეტი რეზოლუციებად იღებს.
რეგიონული ან უმცირესობების ენების ევროპულ ქარტია (ECRML)
რეგიონული ან უმცირესობების ენების ევროპულ ქარტია (ECRML) ევროპის საბჭოს ერთ-ერთი ძირითადი კონვენციაა. იგი იცავს უმცირესობათა ენებს, განიხილავს რა მათ ევროპის კულტურული მემკვიდრეობის ასპექტად, რომლებსაც საფრთხე ემუქრება. ქარტია ხელს უწყობს უმცირესობათა ენების შესახებ კანონმდებლობის შემუშავებას, რომელიც ხელს უწყობს რეგიონალური ან უმცირესობათა ენების გამოყენებას საზოგადოებრივი ცხოვრების ყველა სფეროში, დაწყებული განათლებით, მედიითა და კულტურით და საჯარო ადმინისტრაციით დასრულებული.