ევროპის საბჭოს აგრძელებს ფსიქიკური ჯანმრთელობის საკითხებზე ტრენინგების ციკლს მართლმსაჯულების სისტემაში მომუშავე სპეციალისტებისთვის (ფსიქოლოგებისთვის და სამედიცინო დეპარტამენტის წარმომადგენლებისთვის). ამჯერად, 18-19 ივლისს, სპეციალური პენიტენციური სამსახურის და დანაშაულის პრევენციისა და პრობაციის ეროვნული სააგენტოს ფსიქოლოგებს ორმაგი დიაგნოზის და კომპლექსური პოსტ-ტრამვული სტრესული აშლილობის (PTSD) საკითხებზე ჩაუტარდათ ტრენინგი.
ტრენინგის თეორიული კომპონენტი შემდეგ თემებს დაეთმო: პოსტ-ტრამვული სტრესული აშლილობის გამომწვევი მიზეზები, დიაგნოსტირების მეთოდები და მკურნალობის გზები, ორმაგი დიაგნოზების განსაზღვრა, დიაგნოსტირების და მკურნალობის მნიშვნელობა, ტრამვა და მასთან დაკავშირებული საკითხები. ტრენინგი ასევე მოიცავდა პრაქტიკულ კომპონენტს, რომლის ფარგლებშიც მართლმსაჯულების სისტემის სპეციალისტებმა სხვადასხვა კლინიკური შემთხვევები განიხილეს.
ტრენინგი ევროპის საბჭოს პროექტის ’’პენიტენციური სისტემის რეფორმების მხარდაჭერა საქართველოში’’ პომპიდუ ჯგუფის კომპონენტის ფარგლებში გაიმართა. პროექტი დაფინანსებულია საქართველოსთვის ევროპის საბჭოს 2024-2027 წლების სამოქმედო გეგმის ქვეშ.
+99532 2913870/ 71/ 72