ღონისძიების პირველ ნაწილში შერჩეულმა სასამართლოს მენეჯერებმა წარმოადგინეს სასამართლოების ყოველდღიურ საქმიანობაში CEPEJ ინსტრუმენტების დანერგვის კარგი პრაქტიკა, ხოლო ოთხი საპილოტე სასამართლოს მენეჯერმა წარმოადგინა CEPEJ-ის ქოუჩინგის პროგრამის აქტივობები. აქვე აღინიშნა, რომ სტატისტიკოსებისთვის მეთოდოლოგიის ტრენინგის მომზადების შემდგომ, უზენაესი სასამართლოს სტატისტიკის განყოფილებიდან ხაზი გაესვა მონაცემთა შეგროვების პრაქტიკის სტანდარტიზაციის მნიშვნელობას სასამართლო მონაცემთა მართვის თანმიმდევრულობისა და სანდოობის უზრუნველსაყოფად.

ფორუმის მეორე ნაწილში ჩატარდა შესაძლებლობების განვითარების სემინარი სასამართლო დროის მენეჯმენტისთვის SATURN- ის განახლებული სახელმძღვანელოს და დროის მენეჯმენტის საკონტროლო სიის დანერგვის შესახებ.  ეს ინტერაქტიული სესიები მიზნად ისახავდა სასამართლოს მენეჯერების პრაქტიკული უნარებიტ აღჭურვას, რათა ეფექტურად მართონ დრო პრაქტიკული სავარჯიშოების მეშვეობით და CEPEJ-ის ინსტრუმენტების გამოყენებით.  

აღნიშნული აქტივობა ორგანიზებული იყო პროექტის ‘’სასამართლოს მენეჯმენტის მოდერნიზაციის ხელშეწყობა საქართველოში“ ფარგლებში, რომელიც დაფინანსებულია ევროკავშირისა და ევროპის საბჭროს მიერ და ახორციელებს ევროპის საბჭო პარტნიორობა კარგი მმართველობისთვის III (2023-2027) ფარგლებში.