მიმდინარე წლის 21 ოქტომბერს ევროპის საბჭომ ადგილობრივ ბენეფიციარებთან პარტნიორობის ფარგლებში ჩაატარა სამუშაო შეხვედრა თემაზე „ინტერნეტი და ადამიანის უფლებები“. ღონისძიებას ესწრებოდნენ, როგორც ადგილობრივი ინტერნეტ პროვაიდერები, ასევე სახელმწიფო ინსტიტუტებისა და სამოქალაქო სექტორის წარმომადგენლები.
ღონისძიების ფარგლებში ევროპის საბჭოს ექსპერტებმა მიმოიხილეს ინტერნეტ სერვის პროვაიდერების ახალი გაიდლაინი, მათ შორის ინტერნეტ სერვის პროვაიდერებისა და ჰოსტინგ კომპანიების უფლებები და ვალდებულებები, როდესაც ხელისუფლების მოთხოვნას კონკრეტული ინტერნეტ კონტენტის ბლოკირების, ფილტრისა და მოხსნას განიხილავენ. ევროპის საბჭოს ექსპერტი მიესალმა ადგილობრივი ბენეფიციარების ძალისხმევას დაფუძნდეს ინტერნეტ მმართველობის ფორუმი, რომელიც ყველა დაინტერესებულ პირს შესაძლებლობას აძლევს მიმოიხილოს ყველა აქტუალური საკითხები. ევროპის საბჭოს ექპერტმა ასევე მოუწოდა ბენეფიციარებს აქტიური მონაწილეობა მიიღონ შესაბამის ადგილობრივ და რეგიონალურ ღონისძიებებში.
ღონისძიება ორგანიზებულია ევროპის საბჭოსა და ევროპის კავშირის ერთობლივი პროექტის „ინტერნეტ თავისუფლების დაცვა კანონმდებლობისა და დაინტრესებულ მხარეებისათვის დიალოგის ხელშეწყობის დახმარებით“ ფარგლებში. აღნიშნული პროექტის იმპლემენტაცია დაიწო 2015 წლის იანვარში და მიზნად ისახავს ინტერნეტის შესახებ ნაციონალური კანონმდებლობის და პოლიტიკის ევროპის საბჭოს სიტყვის გამოხატვის თავისუფლების სტანდარტებთან შესაბამისობის გაძლიერებაას. ასევე ევროპის საბჭოს ინტერნეტ მმართველობისა და ადამიანის უფლებათა სტანდარტების, ასევე ადამიანის უფლებათა ევროპული სასამართლოს შესაბამისი პრეცედენტული სამართლის შესახებ ხელისუფლების შტოების ცოდნის ამაღლებას.
+99532 2913870/ 71/ 72