თბილისში მრგვალი მაგიდის დისკუსიის დროს ყურადღება გამახვილდა საქართველოში შეზღუდული შესაძლებლობის მქონე პირთა სოციალური და ეკონომიკური უფლებების საჭიროებების შეფასების ანგარიშის ძირითად მიგნებებზე. ანგარიში განსაზღვრავს ძირითად გამოწვევებს ეროვნულ პოლიტიკაში, რომელიც შეზღუდული შესაძლებლობის მქონე პირთა სოციალურ და ეკონომიკურ უფლებებს ეხება,და სთავაზობს რეკომენდაციებს შესაბამისი რეფორმების განსახორციელებლად.

ამ ღონისძიებამ გააერთიანა სხვადასხვა ინსტიტუტების, სამოქალაქო საზოგადოების ორგანიზაციებისა და საერთაშორისო პარტნიორების წარმომადგენლები   და ხელი შეუწყო დინამიურ დისკუსიას შშმ პირთათვის სოციალური დაცვის, სერვისების ხელმისაწვდომობისა და ეკონომიკური შესაძლებლობების გაუმჯობესების საკითხებზე. მონაწილეთა ღირებული შეხედულებები და გამოხმაურება გათვალისწინებული იქნება საბოლოო ანგარიშის მომზადების პროცესში, რაც გააძლიერებს ერთობლივ მიდგომას ამ მნიშვნელოვანი საკითხების გადასაჭრელად.

ანგარიში დაეფუძნება ვრცელ კვლევას, ფაქტების დამდგენ მისიის შედეგებს და ძირითად დაინტერესებულ მხარეებთან და შეზღუდული შესაძლებლობის მქონე პირებთან კონსულტაციებს. იგი საქართველოს პოლიტიკის ევროპულ სოციალურ ქარტიასთან შესაბამისობის გზამკვლევის როლს შეასრულებს. ანგარიშში ხაზგასმული იქნება  დამოუკიდებლობის, სოციალური ინტეგრაციისა და საზოგადოებაში სრული მონაწილეობის მნიშვნელობა, როგორც ეს ქარტიის მე-15 მუხლით არის გათვალისწინებული. როგორც ანგარიში, ასევე დისკუსიები მიუთითებს იმაზე, რომ აუცილებელია რეფორმების გატარება, რომელიც მნიშვნელოვნად გააუმჯობესებს შეზღუდული შესაძლებლობის მქონე პირთა ცხოვრების ხარისხს, უზრუნველყოფს ევროპულ სტანდარტებთან და საუკეთესო პრაქტიკასთან შესაბამისობას.

სამუშაო შეხვედრა ორგანიზებულია ევროპის საბჭოს პროექტის „სოციალური და ეკონომიკური უფლებების განმტკიცება საქართველოში“ ფარგლებში. პროექტი წარმოადგენს საქართველოსთვის ევროპის საბჭოს 2024-2027წწ სამოქმედო გეგმის ნაწილს.