Back გაძლიერებული პარტნიორობა სოციალური და ეკონომიკური უფლებებისათვის - დონორთა მე-4 საკოორდინაციო შეხვედრის ძირითადი შედეგები

გაძლიერებული პარტნიორობა სოციალური და ეკონომიკური უფლებებისათვის - დონორთა მე-4 საკოორდინაციო შეხვედრის ძირითადი შედეგები

მიმდინარე წლის 25 თებერვალს, ევროპის საბჭოს პროექტმა „სოციალური და ეკონომიკური უფლებების განმტკიცება საქართველოში“  დონორთა მე-4 საკოორდინაციო შეხვედრას უმასპინძლა. ღონისძიებას ესწრებოდნენ საერთაშორისო ორგანიზაციები, რომლებიც აქტიურად მუშაობენ შრომითი უფლებების დაცვაზე, ასევე შეზღუდული შესაძლებლობის მქონე პირებისა და ხანდაზმულთა სოციალური და ეკონომიკური მდგომარეობის გაუმჯობესებაზე საქართველოში.

შეხვედრის მთავარი მიზანი იყო ევროპის საბჭოსა და სხვა პარტნიორებს შორის თანამშრომლობის გაძლიერება, განხორციელებული და დაგეგმილი აქტივობების შესახებ ინფორმაციისა და გამოცდილების გაზიარება, ასევე დონორთა საქმიანობის ეფექტიანი კოორდინაცია არსებული მიზნებისა და ამოცანების გათვალისწინებით.

შეხვედრის ძირითადი შედეგები მოიცავდა სამოქალაქო საზოგადოებასთან და პროფკავშირებთან თანამშრომლობის გაძლიერებას, ასევე დაინტერესებულ მხარეებს შორის კოორდინაციის გაუმჯობესებას. ეს ხელს შეუწყობს შრომითი და სოციალური უფლებების საკითხებით დაინტერესებული ჯგუფების უკეთ მოსმენას და მათი საჭიროებების განხილვას. მონაწილეებმა ასევე განსაკუთრებული ყურადღება გაამახვილეს გენდერული მიდგომის მნიშვნელობაზე ყველა ინიციატივაში.

ევროპის საბჭომ კიდევ ერთხელ გამოხატა მზადყოფნა რეგულარული საკოორდინაციო შეხვედრების ორგანიზებისა და დაფინანსებისთვის, ასევე საქმიანობის ხარვეზების იდენტიფიცირებისა და დონორთა უფრო მიზანმიმართული და ეფექტიანი თანამშრომლობის მხარდაჭერისთვის.

სამუშაო შეხვედრა ორგანიზებულია ევროპის საბჭოს პროექტის სოციალური და ეკონომიკური უფლებების განმტკიცება საქართველოში ფარგლებში. პროექტი წარმოადგენს საქართველოსთვის ევროპის საბჭოს 2024-2027წწ სამოქმედო გეგმის ნაწილს.

თბილისი, საქართველო 25 თებერვალი, 2025 წელი
  • Diminuer la taille du texte
  • Augmenter la taille du texte
  • Imprimer la page


 

გამოგვყევით

  

დაგვიკავშირდით

ოფისი საქართველოში

ჭავჭავაძის გამზირი 64ბ, მე-14 სართული
თბილისი 0179, საქართველო

+99532 2913870/ 71/ 72

http://www.coe.ge