2017 წლის 20-22 ივნისს ევროპის საბჭოსა და ევროკავშირის ორგანიზებით ჩატარდა სამდღანი ტრენინგი პროკურორებისთვის “კომუნიკაცია შეზღუდული შესაძლებლობების მქონე (შშმ) პირებთან”.
ტრენინგის მიზანს წარმოადგენდა პროკურორების კომუნიკაციის უნარების გაუმჯობესება შეზღუდული შესაძლებლობის მქონე პირებთან და თემატიკის მიმართ სწორი დამოკიდებულების ჩამოყალიბება. მონაწილეებს მიეცათ შესაძლებლობა გაცნობოდნენ ისეთ საკითხებს როგორიცაა ადამიანის უფლებათა ევროპული სასამართლოს პრეცედენტული სამართალი შშმ პირების უფლებებთან მიმართებით, შშმ პირის სტატუსი ეროვნული კანონმდებლობის მიხედვით, შშმ პირების მონაწილეობა გამოძიების პროცესებში, შეზღუდული შესაძლებლობების ძირითადი სახეები და დისკრიმინაციული ქცევის ანალიზი. სასწავლო კურსი თეორიულ სწავლებასთან ერთად, აქტიურად იყო დატვირთული პრაქტიკული სავარჯიშოებით.
ტრენინგი ჩატარდა ევროკავშირისა და ევროპის საბჭოს ერთობლივი პროექტის „საქართველოში ადამიანის უფლებათა ევროპული კონვენციის გამოყენება და ეროვნული კანონმდებლობისა და სასამართლო პრაქტიკის შესაბამისობაში მოყვანა ევროპულ სტანდარტებთან“ ფარგლებში, რომელიც დაფინანსებულია აღმოსავლეთ პარტნიორების ქვეყნებისთვის განკუთვნილი პროგრამული თანამშრომლობის ფორმატში.