მედიის, ინტერნეტისა და პერსონალურ მონაცემთა დაცვის გარემოს გაუმჯობესება საქართველოში, ერთი მხრივ, კანონმდებლობისა და პოლიტიკის დახვეწით, მეორე მხრივ  შესაბამისი ორგანიზაციების ქმედუნარიანობის გაძლიერებით.

პროექტის ფოკუსი იქნება:

• ჟურნალისტების მხრიდან პროფესიული და ეთიკური წესების დაცვა;
• მედიის რეგულირებისა და თვითრეგულირების ორგანოების გაძლიერება;
• ინტერნეტ მმართველობის სფეროში ჩართულ ორგანიზაციებს შორის თანამშრომლობის ხელშეწყობა;
• საჯარო ინფორმაციაზე წვდომის საერთაშორისო სტანდარტებზე ცნობიერების ამაღლება;
• შესაბამისი უწყებების გაძლიერება ჟურნალისტების ეფექტიანი დაცვის უზრუნველსაყოფად;
• ინკლუზიური და ინფორმირებული საკანონმდებლო პროცესის ხელშეწყობა აუდიოვიზუალური მომსახურებისა და პერსონალურ მონაცემთა დაცვის სფეროებში;
• ხელოვნურ ინტელექტთან მიმართებით პერსონალურ მონაცემთა დაცვის პოლიტიკის შემუშავებაში მხარდაჭერა.

პროექტის ხანგრძლივობაა 1 თებერვალი 2021 – 31 დეკემბერი 2023.

პროექტის ბიუჯეტია 481 000 ევრო.

პროექტი დაფინანსებულია ევროპის საბჭოს სამოქმედო გეგმა საქართველოში 2020-2023 ფარგლებში. სამოქმედო გეგმის დონორები არიან ევროკავშირი, ადამიანის უფლებათა ნდობის ფონდი* (Human Rights Trust Fund), ავსტრია, ჩეხეთის რესპუბლიკა, დანია, საფრანგეთი, გერმანია, ლატვია, ლიხტენშტაინი, ლუქსემბურგი, ჰოლანდია, ნორვეგია, შვედეთი და ბავშვთა მიმართ ძალადობის დასრულების ფონდი (Fund to End Violence Against Children (EVAC))

*ადამიანის უფლებათა ნდობის ფონდი აერთიანებს 7 დონორს - ფინეთი, გერმანია, ლუქსემბურგი, ჰოლანდია, ნორვეგია, შვეიცარია და გაერთიანებული სამეფო.

კომუნიკაციების კომისია

ჟურნალისტური ეთიკის ქარტია

ეკონომიკისა და მდგრადი განვითარების სამინისტრო

ტელეკომ ოპერატორების ასოციაცია

სახელმწიფო ინსპექტორის სამსახური

იუსტიციის სამინისტრო

სახალხო დამცველი