საქართველოში ევროპის საბჭოს ოფისმა, საქართველოს ადვოკატთა ასოციაციის აღმასრულებელი საბჭოსა და ეთიკის კომისიის მონაწილეობით, ორგანიზება გაუწია ადვოკატების საქმიანობის მარეგულირებელ საკანონმდებლო აქტებში განსახორციელებელი ცვლილებების პროექტის განხილვას.
შეხვედრის მიზანი იყო ცვლილებების პაკეტში არსებულ ფორმულირებებზე შეთანხმება ასოციაციის ახლადარჩეული აღმასრულებელი საბჭოსა და ეთიკის კომისიის წევრების ჩართულობით. ასოციაციის ახალი მმართველი ორგანოების არჩევა 2021 წლის დეკემბერში მოხდა, ხოლო საკანონმდებლო ცვლილებების პაკეტი კი პარლამენტში 2021 წლის სექტემბერში გაიგზავნა.
ევროპის საბჭოს ოფისის მხარდაჭერით, მიმდინარე წლის მაისის ბოლოს, გაიმართება დისკუსია საკანონმდებლო პაკეტთან დაკავშირებთ საქართველოს პარლამენტის იურიდიული კომიტეტის და ადვოკატთა ასოციაციის მონაწილეობით. შემუშავებული ცვლილებები მოიცავს კანონს ადვოკატთა შესახებ, სამოქალაქო საპორცესო კოდექსს, სისხლის სამართლის საპროცესო კოდექსს, კანონს ადმინისტრაციულ სამართალდარღვევათა შესახებ, ასევე კანონებს სახელმწიფო ბაჟისა და ნოტარიატის შესახებ.
პროექტი „იურიდიული დახმარების სერვისებზე ხელმისაწვდომობის გაუმჯობესება მარგინალიზებული მოსახლეობისთვის“ ხორციელდება ნორვეგიის, დანიის, გერმანიის, ლუქსემბურგის, საფრანგეთის, ნიდერლანდების, ლიხტენშტეინისა და ლატვიის მხარდაჭერით.
+99532 2913870/ 71/ 72