Ефективна судска заштита на слободата на изразување е клучна во едно демократско општество. Со цел да се адресира напредокот на Република Северна Македонија во ова поле, изработена е темелна анализа на домашната судска пракса.
Анализата го опфаќа периодот од 1 јануари 2016 до 1 јуни 2022 година и се фокусира на примената на Членот 10 од Европскта конвенција за човекови права и поврзаните принципи воспоставени од Европскиот суд за човекови права во македонските судови. Оваа анализа покрај тоа што го истакнува постигнатиот напредот во обезбедувањето заштита на слободата на изразување во согласност со европските стандарди, ги идентификува областите каде што треба да има подобрување. Уштеповеќе, истата дава препораки за понатамошно подобрување во одредени области.
За правните професионалци/ки и сите засегнати со оваа суштинска тема, анализата ќе послужи како одличен извор на информации, каде се става акцент на посветеноста на земјата кон слободата на изразување и напорите кои јавните власти во Северна Македонија ги вложуваат во насока на унапредување на слободата на изразување и на слободата на медиумите.
Анализата е сега достапна на англиски и македонски јазик. Истражувањето беше спроведено во рамки на програмата Horizontal Facility II, додека објавувањето и преводот на македонски јазик се изработени во рамки на заедничката програма на Европската Унија и Советот на Европа, Horizontal Facility III, и соодветно проектот „Заштита на слободата на изразување и на слободата на медиумите во Северна Македонија“ (ПРО-ФРЕКС).
