Препораката CM/Rec(2022)4 на Комитетот на Министри на земјите-членки за промовирање поволна средина за квалитетно новинарство во дигиталната ера има за цел да постигне поголемо единство меѓу членките заради заштита и промовирање на заедничките политики и стандарди во делот на слободата на изразување. Сега достапна на македонски јазик, оваа Препорака потврдува дека правото на слобода на изразување е еден од столбовите на демократијата, и дека новинар(к)ите кои сакаат да дадат точни и веродостојни информации во согласност со стандардите на професијата уживаат највисока заштита според член 10 од Конвенцијата.
Оваа Препорака е релевантна за работата во рамки на заедничкиот проект на ЕУ и Советот на Европа за „Заштита на слободата на изразување и на слободата на медиумите во Северна Македонија“ (ПРО-ФРЕКС), како и за процесот на дигитална трансформација на медиумите која создаде важни можности, истовремено создавајќи предизвици за медиумите и комуникацијата кои сè повеќе се насочуваат кон дигитална, мобилна и средина на социјални медиуми.
Со цел да промовира поволна средина за квалитетно новинарство во дигиталната ера, оваа Препорака содржи вредни информации за владите и за сите чинители во медиумите.
Преводот е изработен во рамки на проектот „Заштита на слободата на изразување и на слободата на медиумите во Северна Македонија“ (ПРО-ФРЕКС), кој е дел од Хоризонталниот инструмент за Западен Балкан и Турција (ХФ 3), кофинансиран од Европската Унија и Советот на Европа.