На првата сесија на работната група која се одржа на 25-26 ноември 2019 г. во Скопје беа дополнително прилагодени алатките и механизмот за идентификување и интервенција во однос на радикализирани осудени лица во Северна Македонија. Работната група, составена од посветени професионалци од различни казнено-поправни институции, како и од Управата за извршување на санкциите започна со процесот на развивање на модулот за третман на радикализирани осудени лица, врз основа на постоечката методологија и алатките за скрининг кои беа развиени во рамки на претходни проекти кои ги спроведуваше Советот на Европа.
Членовите на работната група сега го изготвуваат модулот за третман чија цел е да се поддржат осудените лица да поминат низ процесот на дерадикализација. Во рамки на оваа активност, раководителите на казнено-поправните установи и експертите за ресоцијализација ќе се стекнат со знаење и ќе ги подготват процедурите за таргетирани интервенции кои ќе овозможат ресоцијализација на „радикализирани” осудени лица.
Овaa активност е организирана како дел од проектот „Јакнење на капацитетите на пенитенцијарниот систем и на надворешниот механизам за контрола на полицијата во Северна Македонија”, ко-финансиран од страна на Европската унија и Советот на Европа во рамки на втората фаза од програмата „Horizontal Facility за Западен Балкан и Турција” која ја спроведува Советот на Европа.