„Стратешки тужби против јавното учество“ (СЛАПП) се правни постапки кои се злоупотребуваат со цел замолчување на новинар(к)ите и на медиумските куќи. Овој растечки тренд има „ефект на одвраќање“ врз новинар(к)те, ја попречува нивната улога како јавни чувар(к)и во демократските општества и го повредува правото на јавноста да биде информирана.
Комитетот на експерти за СЛАПП, основан од Комитетот на Министри на Советот на Европа, е во процес на изготвување препорака за СЛАПП, која треба да биде објавена до крајот на 2023 година. стекстот беше објавен во април 2023 година, и истиот беше отворен за јавни консултации. На состанокот на Комитетот закажан за 17-18 октомври 2023 година дополнително ќе се дискутира на темата.
Комитетот се состој од седум претставници/чки од државите членки, назначени од страна на Управниот одбор за медиуми и информациско општество (CDMSI), и шест независни експерт(к)и избрани од Генералната Секретарка на Советот на Европа. Меѓу нив е и г-дин Драган Секуловски, Извршен директор на Здружението на новинари на Македонија.
За да им се овозможи на сите заинтересирани страни одблизу да го следат овој процес, достапен е превод на нацрт текстот на препораката на македонски јазик . Преводот е изработен во рамки на заедничката програма на Европската Унија и Советот на Европа „Horizontal Facility за Западен Балкан и Турција“, односно проектот „Заштита на слободата на изразување и на слободата на медиумите во Северна Македонија (ПРО-ФРЕКС)“.
Нацрт препораката ги третира важноте теми за борба против СЛАПП, и истовремено дава клучни препораки за државите членки за да се обезбеди заштита на слободата на изразување и на слободата на медиумите.