Адвокатите и адвокатките кои даваат секундарна бесплатна правна помош се многу важни за обезбедување на пристап до правдата и за ефективна заштита на човековите права, во согласност со европските стандарди. Со поддршка од заедничката програма на Европската унија и на Советот на Европа, „Хоризонтален инструмент за Западен Балкан и Турција“ и во тесна соработка со Адвокатската комора, на 3 јули 2024 година, во Адвокатската комора на Северна Македонија се одржа првата каскадна обука за адвокати и адвокатки за „Обезбедување на бесплатна правна помош во Северна Македонија‟.

За време на обуката, 13 адвокати и адвокатки ги стекнаа потребните познавања за бесплатна правна помош преку практични вежби и проучување на случаи. Овој практичен пристап им овозможи на учесниците и учесничките ефективно да ги применат теоретските концепти во сценарија од реалниот живот. Обучените обучувачи ги демонстрираа нивните новостекнати вештини од програмата за обучување на обучувачи, работејќи под менторство на локалната консултантка, г-а Бојана Неткова.  

Обуката беше базирана на курикулум изготвен од страна на консултанти на Совет на Европа во 2023 година а беше одржана од страна на обучен обучувач и обучувачка кои претходно ја имаа поминато интензивната обука за обучувачи која се одржа во јануари/февруари 2024 година, со поддршка на Хоризонталниот инструмент.

Зајакнувајќи ги адвокатите и адвокатките со неопходните вештини и познавања, оваа иницијатива има за цел да создаде посилен систем за бесплатна правна помош, обезбедувајќи им на сите граѓани и граѓанки на Северна Македонија пристап до правдата и заштита на нивните човекови права.

Обуката беше организирана од заедничкиот проект на ЕУ и Совет на Европа,  „За консолидиран и поефикасен систем за бесплатна правна помош (БПП) во Северна Македонија”, во соработка со Адвокатската комора.