Оваа година, Европскиот ден на правдата ќе биде одбележен со организирање на фото-натпревар под наслов „Да ја доближиме правдата поблиску до граѓаните и граѓанките‟.
Ги повикуваме младите (од 18 до 30 години) од сите региони на Северна Македонија, да земат учество во овој натпревар чијашто цел е да се подигне свеста за важноста на пристапот до правдата за сите, без дискриминација, во согласност со европските стандарди.
Европскиот ден на правдата се прославува секоја година околу 25 октомври. Целта е правдата да се доближи поблиску до граѓаните и граѓанките, тие да се информираат за нивните права и да се промовира работата на Европската унија и на Советот на Европа на полето на пристап до правдата.
Од 2020 година, Европскиот ден на правдата се одбележува во Северна Македонија со отворени настани и останати активности кои се спроведуваат како дел од заедничката иницијатива на ЕУ и на Совет на Европа за подигање на свеста за бесплатната правна помош (БПП).
Оваа иницијатива е организирана во рамките на заедничката програма на ЕУ и Советот на Европа „Хоризонтален Инструмент за Западен Балкан и Турција“.
Правила и опис
Пријавување: од 25 октомври до 30 ноември 2023 година
Пријавување: од 25 октомври до 30 ноември 2023 година. Правила: Со оригинални и креативни фотографии, натпреварувачите треба да ги претстават користа и предноста коишто еднаквиот пристап до правдата може да ги донесе во сечиј живот. Сите фотографии треба да се испратат со кратко објаснување на македонски јазик. Возраст: Натпреварот е отворен за талентирани фотографи-аматери од Северна Македонија, на возраст од 18 до 30 години. Опис: Се повикуваат натпреварувачи кои ќе ја доловат суштината на правдата преку леќата на фотоапаратот. Ќе се оценуваат креативното толкување на правдата (промовирање на човекови права, демократија и владеење на правото) на младите фотографи, како и соодветните техничко-визуелни аспекти на фотографиите. Особено се покануваат да учествуваат фотографи кои пренесуваат позитивен и моќен контекст или порака во своите фотографии. Фотографиите ќе се оценуваат и врз основа на релевантноста на нивната порака и нивните уметнички заслуги. Избор: Процесот на оценување ќе го направи тим за оценување составен од претставници од Советот на Европа, претставници од тимот на Младите Европски Амбасадори во Северна Македонија, како и независни професионалци со соодветно искуство. Изложба: Сите фотографии кои ќе се квалификуваат ќе бидат изложени за јавноста на почетокот на декември за да се одбележи и Меѓународниот ден на човековите права (точниот датум дополнително ќе се одреди). На изложбата ќе бидат прогласени победниците и ќе бидат доделени сертификати. Победниците на овој фото-натпревар ќе бидат промовирани на каналите на ЕУ/Совет на Европа а победничките фотографии ќе бидат испечатени во форма на постери и ќе бидат дистрибуирани во рамките на иницијативата за подигање на свеста за БПП и ќе бидат користени и понатаму во материјалите на Советот на Европа (извештаи/летоци/студии). |
Како да учествуваш? – Сѐ што треба е да направиш фотографија (по можност да е најмалку 6 мегапиксели и во jpg - формат) и да ја испратиш на следната електронска адреса: DG1.FLA.NM@coe.int. Со испраќањето на фотографијата потребно е да се напишат името, презимето и возраста на авторот, краток опис на фотографијата, како и податоци за контакт. Дозволено е испраќање на максимум три (3) фотографии.
Овaa иницијатива е спроведена со финансиска поддршка на Европската унија и на Советот на Европа. Нејзината содржина е единствена одговорност на авторот(ите). Изразените ставови во никој случај не може да се сметаат дека го одразуваат официјалното мислење на Европската унија или на Советот на Европа.