На 21 декември 2021 година, Проектот против економски криминал организираше онлајн средба со обвинители, претставници на Здружението на јавни обвинители на Република Северна Македонија, на која беа дадени појаснувања и совети за обезбедување усогласеност на Етичкиот кодекс со важечките основни принципи, националното законодавство и меѓународните стандарди, како што се Европските насоки за етика и однесување на јавните обвинители („Насоки од Будимпешта“) 2005 година (CPGE). Врз основа на дискусијата на состанокот, како и претходното разгледување на Етичкиот кодекс, сите препораки ќе бидат рефлектирани во технички документ, кој ќе го поддржи Здружението во воведувањето на дополнителни измени на Етичкиот кодекс.

Оваа активност е организирана и финансирана од Horizontal Facility for the Western Balkans and Turkey фаза II на Советот на Европа и Европската унија.