Вториот состанок на Советодавниот одбор на проектот „Квалитетно образование за сите – Северна Македонија”, имплементиран од Советот на Европа, а финансиран од Германија, одржан на 29 ноември 2023 ја покажа клучната улога на партнерството и соработката во образовната реформа во Северна Македонија. На состанокот се собраа претставници од клучните образовни институции, вклучувајќи различни владини тела и Советот на Европа, за заедничко управување со целите на проектот.
Овој состанок беше карактеризиран со сеопфатен преглед на активностите на проектот во текот на изминатата година, што покажа стратешки и прогресивен пристап кон образовната реформа. Дискусиите се фокусираа и на постигнувањата од минатото и на амбициозните планови поставени за иднината, отсликувајќи длабока посветеност кон континуирано подобрување и иновација во образовниот сектор.
Една од централните точки на состанокот беше презентацијата на нацрт-извештајот за Мапирање. Овој значаен документ го оцени имплементирањето на Стратегијата за образование 2018 - 2025 година, обезбедувајќи суштински увиди во успесите и предизвиците на проектот. Наодите на извештајот се клучни за обезбедување на усогласеност на проектот со националните образовни стратегии и цели.
Клучен момент беше вниманието кое е посветено кон родоватаеднаквост во образованието во Северна Македонија. Овој сегмент од состанокот ја потенцираше посветеноста на проектот кон интегрирање на критични елементи како што се родовите перспективи во образовните практики. Структурата на состанокот, која овозможи отворени дискусии и повратни информации, овозможи динамична средина и колективно ангажирање преку широк дијалог меѓу сите учесници.
На состанокот исто така се истакна важноста на активната соработка со клучните невладини организации како засегнати страни во областа на граѓанското образование. Тoa претставува сеопфатен пристап кон образовната реформа, истакнувајки ја важноста и на владините и на невладините субјекти во обликувањето на поинклузивен и ефикасен образовен систем.
Во суштина, втората средба на Советодавниот одбор во Северна Македонија претставуваше повеќе од едноставна административна сесија. Состанокот беше демонстрација на моќта на партнерството и соработката со цел ефикасно постигнување на резултати. Состанокот ги истакна напорите што се вложуваат за подобрување на образованието во Северна Македонија, преку стратешко планирање, политики кои вклучуваат родови перспективи и широко ангажирање на засегнатите страни, создавајќи солидна основа за унапредување но образовниот систем.
Проектот „Квалитетно образование за сите - Северна Македонија“ e имплементиран од страна на Советот на Европа, а финансиран од Германија. Се спроведува во соработка со Министерството за образование и наука на Република Северна Македонија од декември 2022 до ноември 2025 година.