Cilo thaj objektivura:

O sistemo te informirinen pes e pacijentura dijagnostirime nasvalipasar sasa aktivipa so astardas pe avgune 2000-tone bersha, sar kotor e avgune planestar vash o kansero. Kadale sistemosko cilo/resarin (so dela palpale ko pacientongo rodipe te kerel pes olencar generalno arakhiba) si te del e pacientonge lacheder kondicije (thaj lengere familijenge) kana ka oven informirime vash e dijagnoza thaj propozirime tretmano. Kodo sistemo dela suporto vash kodo te ikerel pes dzi pe propozirimo tretmano thaj strategije te adaptuil pes o nasvalimata. Bazirimo si upral i provizija katar e vuzhi thaj lachi informacija savi so ka respektuil e paciente thaj oleskere mangipa, so anela dzi pe realno suporto. 

 Target grupa:

Sa e pacientura kanserosar si targetirime sistemostar, astarindoj katar e inicijalno dijagnoza, astariindoj e avgune histologikane dijagnozastar dzi ko nasvalimasko konfirmiribe. 

 Metodo:

O sistemo si centririmo hochpitaloste thaj isi ole shtar faze:

• pacientosko informiribe vash i dijagnoza thaj propozirimo nasvalimasko tretmano;
• te ovel pes e pacientosar thaj te arakhen pes oleskere/olakere trubujimata;
• legaripe/avipe dzi pe azhutimaski grizha (specijalno kana trubuj te ikerel pes o fertiliteto);
• koordinacija mashkar o foro kote so trajil o paciento thaj o hoshpitali.

E pacienteske den apes buteder dokumentura save so ka achutin ole/ola te phirel trujal o sastimasko sistemo, sar so si e shajipena vash personalizirimi grizha an kodo phiripe, leindoj kate e tretmanoskere nivelura thaj e droma, kote thaj ko kobor chaso te ovel, informacija vash azhutimaski grizah thaj lista kontaktoncar. 

O sistemo si bazirime upral e multidisciplinarno sama/grizha, majangle leindoj kate e doktoren thaj paramedicinakere manushen. O Nacionalno Instituto vash Kansero publicirindas rekomandacije thaj legarimaskere lilore te azhutil te pe ko keribe than thaj profesionalno sistemo. E hemime profesionalcura (vi e hoshpitalura vi e privatno prakticionerija) lena ad hoc edukacija pe kontinuiteto. 
O sistemo evoluirindas e planencar vash o kansero, leindoj ani godzi e samaki/grizhaki diversifikacija (bareder rola pe agjare vakerdini "foro/diz" medicina) thaj e situacijen pe varesave grupe, sar so si e chavore thaj e manusha intelektualno pharipencar. 

 Efekto:

O sistemo vash informiribe e pacientongo saven si dijagnosticirime o nasvalipa, si implementirime pe sa e sastimaskere khera save si autorizirime te den tretmano vash o kansero. Olaki organizacija se vakerdini ande Nacionalno Kanser Instituteskere legarimaskere lila thaj si identichno pe sasto them. E sistemoski implementacija si jekh katar e transverzalno kondicije pe save so, sa e sastimaskere khera musaj te aplicirinen e kanseroskere tretmanon. 

 Dodendino kuchipa:

E sistemosko dodendino kuchipa pashljol upral e provizija kotar vuzhi thaj lachi informacija savi so respektuil e pacienten thaj olengere mangipena, so legarela dzi pe chachuno multidisciplinarno azhutipe. O fakti kaj sasa buhljardo trujal sasto them, dzaindoj pala referentno sistemo, si o majbaro kuchipe. 

 Informiribe pacientongo savenge si dijagnosticirimo nasvalipe (Plano vash Kansero) – Francia