Cilo thaj objektivura:
Khetanutno anibe decizija si khetanutno proceso pe savo sastimasko saakoro profesionalco, javere personasar khetane resena dzi pe decizija vash sama. An kodo proceso khuvena andre vi testoja thaj tretmanura bazirime upral e evidencije thaj personakere individualno preference, pachaiba thaj kuchipa/moljaripa.
Target grupa:
Klejutni audiencija vash decizajko azhutipe ano Nacionalno Instituto vash Sama thaj Lachipe (NICE) si e manusha save arakhena pes kadala decizijencar (vi olengere manusha save so keren sama, so arakhena olen, thaj olengi familija) vi e praktikantija involvirime ki lengiri sama/grizha. Dujtoni audiencija, si e organizacije save so akharena vash sama thaj adla so dena sama (so shaj lela an peste vi azhutipe ko decizijengo anibe thaj arakhibe shajutne droma), sar vi e volontarno thaj komunitetono sektoreskere organizacija (save so shaj te promovirinen olen mashkar e manusha kolencar von keren buchi).
Metodo:
E punktura vash anibe decizija si senzibilno pe preferencengere punktura si e punktura kote so e personakere preference thaj moljaripa/kuchipa si but importantno. Von sikavena pes kana:
kate isi duj vaj buteder opcije vash investigacija, tretmano vaj sama, save so dena, tele-upre jekh efektura, numa:
- isi olen javereder tipura dukhavimastar thaj beneficijendar saven so javereder manusha, javereder dikhena olen, vaj
- e adzikeripena kotar o dukhaviba, vaj kotar e beneficije shaj te oven javereder, vaj
- e opcijengere praktikalitetura si javereder (sar misal, shajipe sit e lel pes medicina vaj operacija, ja palem e rodipena vash monitoriribe si javereder), vaj
- e manusha shaj te len ani godzi kaj e riskura kotar dukhavibe si bareder e beneficijendar, ki komparacija kana na kerel pes tretmano.
vaj
- kana o gindipe so te lel pes, kotar investigacija, tretmano vaj sama sar opcija thaj opcija vash 'bi tretmanosko' si lache balansirime.
E NICE-sko azhutimos pe anibe decizija si buhljarde vash ververeder tretmanoskere thaj samakere opcije save so azhutin te:
- sumirinen pes e majlache evidencije dzi pe save shaj avela pes, phangle e efektivitetosar, siguritetosar thaj praktikane faktorencar, phangle e tretmanoskere vaj samakere opcijencar, thaj
- prezentuil/sikavel pes kadi informacija, te shaj e manushenge te ovel lokheder te len decizija (leindoj kate vi kadalen so lena sama vash lende) te shaj te haljoven, azhutimasar kotar e manusha so lena sama pe lende, shaj te dikhen e opcijen vash pro, kontra thaj kompromiso.
Efekto:
E instrumentura so azhutin e decizijengo anibe dena shajipena e manushenge te ulaven e informacija. Kodo sigurinela e manushen te ovel lacho haljovibe vash e beneficije, dukhaviba thaj shajutne efektija kotar diferentno ververeder opcije. O khetanutno anibe decizija zurarkerela e manushen te anen decizija vash tretmano thaj sama so si lachi olenge pe kodi vrama, leindoj kate te dzan dureder e tretmanosar, vaj ma te len nisavo tretmano.
Dodendine kuchipa:
E instrumentura vash khetanutno decizijako anibe dena shajipe e manushenge te dzan dzi kote khamen ande proceso kana anela pes decizija. Numa, varekana, varesave manusha preferirinena ma te len aktivno rola ande decizijako anibe olengere sastimaskere profesionalconcar.