Nanipe samalipe vash kodo save sastimaskere servisura terdzon anglal amende thaj sar te arakhas olen si baro pharipe savo so afektuil e manushen te arakhen peske sastimaski sama/grizha savi so trubuj olenge. 

E sastimutne samakere provizije, e sistemura thaj e trujalipa achile/ule buteder kompleksno thaj kodo, shaj te anel dzi pe pharipena e individualconge te aven dzi ko servisura. Kate isi responsibiliteta te organizuin pes kadala servisura thaj te den koherentno droma thaj opcija vash e grizha/sama save so e manusha shaj te haljoven, te aven dzi lende thaj te phiren pala lende. 

E rodljaripa thaj e praktike pe sastimasko dzanlipe sikavena/indicirinena kaj trubuna pes medijatorura, te hemil pes vi i komuniteta, vi e pacientura, te ulaven pes informacije thaj te kerel pes lacheder komunikacija e individualconcar thaj  grupencar pe save nashti lokhe te avel pes/resen pes. 

Konteksto

Sar anglalkondicija, e dizutne/manusha, trubuj lokheder te aven dzi pe sastimaskere servisura. Kate khuvela vi o dzanlipe sar shaj lokheder te avel pes dzi pe sastimutno samako sistemo, specijalno kana vorbisaras vash e intervencije pe bare thaj phare nasvalimata.  

O avipe dzi pe adekvatno sama si centralno faktoro ande sastimaskere disparitetura thaj sastimaskere efektura. Kana dikhela pes so si adekvatno sama, ani godzi trubuj te len pes nekobor faktorura: 1) i sama si bazirimi/fundirimi upral vuzhe evidence vash efektiviteto te zurarel pes o sastipe, thaj si dendini kotar e sastimasko sistemoskere profesionalcura saven isi ekspertiza te keren buchi ande jekh kulturikane senzibilno trujalipa; 2) i sama lela ani godzi, sar den apes avri e resorsura, dzaindoj pala e regionengere thaj e populacijakere grupengere trubujima, ikerindoj ani godzi e koshti vash efektiviteto; 3) i sama si dendini, te shaj te sigurinel jekhipe ano dejbe sama savorenge; 4) i sama si vash e pacientura thaj kodoleski si senzibilno pe konteksto kulturatar, avtonomijatar, e pacientongere trubujimatendar, so an peste lela vi e bareder grizha, olengo hemipe andre thaj korkorutno legaripe. 

Pharipena

Klejaki komponenta ko avipe dzi pe adekvatno sama/grizha te lel pes lachi sama si e pacientengere hakaja/chachipena. Kodo lela an peste vi o dzanlipe vash e servisura so aba egzistuin thaj sar te len pes. Bidzanindoj kodo, shaj te harnjarel I vrama te avel pes dzi lende. Kodoleske, kadala so isi olen limitirime sastimaskere dzanlipa, shja te dikhen bareder pharipena thaj ma te len pe vrama e sastimaski grizha/sama. 

O limitirimo sastimasko dzanlipe si pashe phanglo vi e bilache leipe kotar e servisura thaj hainga/resursura. Kodo si baro problem ande Europa sostar sako shovto manush phenel kaj isi ole pharipena te arakhel kote shaj te lel grizha kana si nasvalo.  

E sastimasko dzanlipe chi trubuj te dikhel pes angleder, specijalno na, mashkar kadala save nisi specijalno trubujijmata vaj kadala so si limitirime pe kodo te arakhen vaj te resen sama, vaj te keren navigacija pe sastimasko trujalipasko sistemo. Sar misal/egzamplo, manusha saven so isi lunge vramako mentalne problemura, e phureder manushen thaj kadala so isi olen socio-ekonomikano teljaripe te hasaren gasave khidipena/arakhipa. Kodo si bareder problem kana von si teli prevencija, sar so si monitoring pe hronikane nasvalimata. 

O siguripe pe adekvatno sama vash e sa kotora populacijatar, shaj te ovel pharipe vash e sastimaskere sitemura, specijalno kana kana von si kompleksno thaj fragmentirime. Gindisaren, sar misal, e pharipena te del pes sama/grizha e migrantonge saven chibjaki thaj komunikacijaki bariera. Numa, trubuj te phenel pes vi kodo kaj, mashkar emigrantura isi bari diferenca pe leno sastimasko dzanlipe, sar so si Austria kote so but migranton isi ucho nivel katar e sastimosko dzanlipe, thaj pe javera, sar so si i Denmarka, kote so si verevereder. Kodoleske, shaj te len pes e kulturakere medijatorura thaj e manusha save so dzanen, te shaj te oven “translatorura” mashkar e sastimasko sistemo thaj e pacientura. 

Akcije

Lacheder individualcongoro dzanlipe pe sastimos phenel kaj kodo si, kodo si arakhibe sastimaski sama so trubuj pest haj dzaipe pali kodo so phenel pes ‘rodela azhutipe’. E sastimaskere sistemon isi responsibiliteta te buhljaren/buvljaren sama dzi pe savi, shaj lokheste te avel pes.  

Individualcongere trubujimata:

E sistemon isi repsopnsibiliteto te:
  • informacije vash varekaskere hakaja sar pacientura, leindoj kate vi e shajutne opcijen vash sastimasko protektiribe, thaj te rodel adekvatno sama;
  • relevantno informacije vash varekaski sastimaskere kondicije;
  • te shaj te idintifikuil e simptomura kotar buteder nasvalimata;
  • te dzanel pes kana thaj kote te rodel pes azhutipe;
  • te shaj te gindil pes vash e konsekvence pengere akcijendar upral ejaverengere akcije (sar te rodel pes azhutimos pe nasvalimata so phren jekhe manushestar ko vaver).
  • promoviribe kulturutno senzibiliteto thaj samako haljovibe, te len pes interkulturalno medijatora te trubuj te adaptirinen pes e sastimaskere servisura pe kulturutne karakteristike e migrantongi thaj javerengi pe gasave situacije, deindoj opcije vash nekobor samakere tipija;
  • lokheder avipe dzi pe informacije pe ververeder samakere opcije pe sa e relevantno chibja;
  • buhljaren koherentno thaj simplo sastimaske sistemongo trujalipa, te shaj e manusha te keren navigacija;
  • te len pes e manusha ko keribe sistemija vash e amalikano dzanlipasko sistemo.

 

Back Dzanlimaski Revizija pe Sastimaskere Keripena – Irlanda

 Cilo thaj objektivura:

Kodi revizija kerdini katar e Nacionalno Agencija vash Dzanlipe Manushengo, khamel e Irlandako serviso vash sastimasko dzanlimaskere servisura te kerel te ovel buteder amalikano thaj te analizirinen pes e dzanlipena, vi e individualcongo vi e servisengo. I revizija dikhel e sastimasko serviso sar diso so naj te ovel bariera vash o tretmano. Kerela buchi upral kodo te del suporto e sastimaskere servisoske ande sako jekh konteksto: promoviribe, protekcija, prevencija, avipe dzi pe grizha thaj ikeripe. 

 Target grupa:

I responsibiliteta te keren pes e sastimaskere aktivitetura lokheder thaj e servison lokheder vash avipe dzi lende si upral e pikhe kadalengo save den e servisura. E organizacijen isi responsibiliteta te kerel pengor trujalipe lokheder avipaske thaj lokheder navigacija. Dzikote e dzanlipena butivar si dikhline sar individualcongi responsibiliteta, si importantno te dikhen pes vi e dzanlipa so isi e sastimaskere profesionalcon. 

 Metodo:

Kodi sastimasko dzanlimaski revizija promovirinela haljovibe te dikhel pes kobor/sode si o dzanlipe amalikano keripen si. Kodi revizija azhutisarel te identifikuin pes e shajutne barijere vash e bare manusha thaj lengere dzanlimaskere pharipena. E sastimaskere buchara trubuj te dikhen kobor thaj sar si o dzanlipe amalikano an lengere ramosarde materijalura, web rigore thaj generalno komunikacija vash e publika. I revizija si dizajnirime te azhutil te analizirinel pest haj rekorduil pes sar e pacientura thaj kadala so len e servisura shaj te arakhen pes pharipenencar kana aven dzi pe sastimaskere servisura thj te ahaljoven pes e administracijakere mesazhura thaj te sikavel kote shaj te kerel pes diso lacheder. 

 Efekto:

Sako jekh organizacija shaj te kerel pesko specifikano dzanlimasko plano bazirimo upral e rezultatura revizijatar. Kodi lista sumiribastar shaj te azhutil te dikhel pes panda svi buchi trubuj te kerel pes. 

 Dodendino kuchipa:

E revizijako instrument azhutil te kvalifikuil thaj te organizuil pes i buchi e sastimaskere servisongere organizacije te aven buteder amalikane ande sastimasko dzanlipe. Kodo metodo shaj te adaptuil pes pe lokalnikane trubujimata. 

 Literacy Audit for Healthcare Settings - Ireland

  • Diminuer la taille du texte
  • Augmenter la taille du texte
  • Imprimer la page

Sastimasko dzanlipe thaj e pacientengo dromaripe

 Cilo thaj objektivura:

O fokuso pe organizacije vash sastimasko dzanglipetrubuj te roshljarel o trubujimata te kerel pes koherentno drom vash kadala so lena e servisura kotar o sastimasko sistemo. Te mapirinel pes e pacijentongo phiribe/kote te dzan (dikhen o egzamplo teleder) si o drom te vizuelizirinel pes e pacientosko phiribe trujal o sistemo. 

 Metodo:

I mapa vash pacientosko phiribe (prendzardi vi sar, klientoski sastimasko sistemoski mapa/karta) sikavel sa e punkton pe save o paciento phirel ande sastimasko sistemosko kher. Kate khuven vi e punktura anglal thaj pali punktoski vizita. 

 Efekto:

Kodo metodo dela dikhipe upral e pacientoski eksperienca ko phiribe trujal e sastimaske sistemongere khera, te shaj te keren pes lacheder strategije te zurarel pes e samakoro kvaliteti, te ovel efektivneder thaj te chaljarel e pacienteskere trubujimata. 

 Dodendino kuchipa:

Kadale phiribasko mapiribe si jekh lacho instrument vash e sastimaskere organizacije thaj kompanije, vi bare, vi tikne, vash buteder aplikacije. E beneficije astarena thaj sikavena e pacientengere pharipena vash kodo te aven dzi pe sastimaski sama; thaj identificirinen sar te del pes e pacientenge lacheder eksperienca ande olengo tretmano; sar vi te identifikuin pes droma vash suporto e pacienteske, pala e tretmanosko agoripe. 

 

Piktura: Misal vash mapa manusheskere phiribastar ano sastimasko sistemo

  • Diminuer la taille du texte
  • Augmenter la taille du texte
  • Imprimer la page