Komunikacija mashkar e individualcura, sastimaskere profesionalcura thaj sastimaskere autoritetura
O nanipe adekvatno komunikacija mashkar e pacientura thaj e sastimaskere profesionalcura shaj te kerel phareder e sama vash o paciento thaj e khetanutne decizijako anibe. Kodo rodel atencija te promovirinel pes duje-dromengo dijalogo thaj zora katar e sastimaskere profesionalcura thaj autoritetura te arakhen lacheder drom sar te aven pasheder dzi pe manusha.
Konteksto
I lacheder komunikacija mashkar e individualcura, sstimaskere profesionalcura thaj sastimaskere autoritetura shaj te lacharel e situacija. Shaj te azhutil te vazdel pes o pachaibe ande publikane institucije thaj te arakhen pes e dzivdipena (te phena, kana isi publikani sastimaski kriza, I lachi komunikacija savi si transparentno shaj, te inicirinel e publikane sastimaskere kerimata).
Kreiribe thana vash lachi komunikacija thaj laco dijalogo mashkar e pacientura thaj sastimaskere profesionalcura si kleja, te sigurinel pes kaj vi soduj opcije vash sama thaj I dendini sama si ahaljovdine, relevantno thaj adoptirime pe pacientongo trajo/dzivdipen. I komunikacija trubuj te ovel phutardini thaj vilestar, pe kodo so dzanel pest haj so na, te ovel onzistentno, simplo thaj te shaj te ahaljovel pes, sar vi te ovel empatichno.
I vuzuhi/klaro thaj participatorno (duje-dromengi) komunikacija zurarkerela e manushen (vi e grupen, vi e komuniteton) te phenen so si lenge mishto/lacho. Kodo rodel te arakhel pes khetanutni chib, alavengo/vorbengo haljovipe, konceptija, shajipena te rodel pest e klarificirinen pes e phuchimata thaj pe jekh vrama, te del pes palpale pe kadala phuchimata.
O komunikacijako stilo so isi e manushe savo so del sama/grizha, si pashe phangolo e lacheder pacientosko korkorutno menadziribasar thaj zurarkeribasar. E pacientosko samakoro haljovibe thaj pachaibe an korkori peste shaj te kerel bareder e impakto katar e komunikacija so kerela pes e manushesar so del i sama.
E sastimskere autoritetura trubj te arakhen o majlacho drom, sar te avn dzi pe sa e manusha, specijalno kadalen so arakhena pes an dukhavdine situacija thaj kadalen so si but phareste te avel pes dzi lende, sar so si e bikhereskere mansha, e digitalno teljardine manushen thaj kadalen so isi mobilno restrikcije.
Pharipena
Tele-upre ande Europa, 15% e manushendar phenen kaj isi olen pharipena te haljoven so o sasljari/doktoro phenel olenge, 18 % manushen isi pharipa ano gindipa pe kodo si vaj na, kodi informacija doktorestar aplikabilno vash varekasko trajo, thaj 28 % manushendar isi olen pharipena te ahaljoven e liloren so dzana khetane e medicinakere drabencar . Kadala pharipena klaro sikavena o disbalanso mashkar e individualcongere kompetencije thaj komunikacijakere stilon, so isi kodolen so si ande sastimasko sistemo thaj e sastimaskere autritetura. Shaj e doktoren isi komunikacije pe jekh ucheder nivelo. Sar te si, kodo so e doktorengi buchi ovel sa bareder thaj kodo so naj dosta doktorura ande Europa, shaj kerena impakto upral o efektiviteto pe komunikacija mashkar e individualcura, sastimasko sistemo thaj sastimaskere autoritetura.
E pharipena ande komunikacija thaj kodo so naj jekh khetanutni chib, vaj vorbisaribe diferentno/ververeder chiba, vaj alava/vorbi so nshti te haljoven pes, si bariere vash efektivno/lachi komunikacija mashkar e pacijentura thaj kadala so dena e informacija.
E pharipena ande komunikacija shaj te dikhen pes specijalno kana e paciente isi kompleksno komunikacijakere trubujimata save so trubuj lacheder te len pes ani godzi. Arakhibe ververeder droma vash komunikacija, na numa komuniciribe alavencar/vorbencar thaj mujeski komunikacija, si but importantno/mhat/vazhno.
Medicinakere alava, sar so si riskosko koncepto, thaj medikalno zhargono so si vakerdino e sastimaskere profesionalcondar vaj si printime ande materijalura, butivar rezultirinena kodolesar so e pacijentura bilaches ka haljovne e informacijen, vaj ka nashti te haljoven olen. Vi i limitirimi vrama vash e dikhiba/arakhipena shaj te anen dzi pe kodo ma te ovel pes vrama vash buteder phuchipena thaj dijalogo, so si integralno kotor e procesostar vash deibe thaj leibe sama/grizha. I situacija si phareder kana vorbisaras vash e manusha saven so isi javereder pharipena vaj disabilitetura saven so naj shajipena te keren komunikacija e sastimaskere profesionalconcar, generalno dikhindoj.
Akcije
I vuzhi/klaro komunikacija si funda/baza e manushenge te haljoven thaj te keren diso e sastimaskere informacijasar. Bizi te dikhel pes o nivelo kotar e sastimasko dzanlipe, si importantno e sastimaskere buchara te sigurinen kaj e pacientura ahaljile e informacija so von dena olenge.
Te ovel i komunikacija efektivno thaj lachi mashkar e individualcura, sastimaskere profesionalcura thaj sastimaskere autoritetura, e manusha trubuj te dzanen korkori pengere sastimaske kondicije, thaj e komunikacija te phanden pengere sakodivesoskere trajosar. E sastimaksere sistemura trubuj te sigurinen kaj lengi komunikacija si vuzhi/klaro thaj transparentno, kaj resen e manusngere trubujimata, leindoj vi kodolen so isi olen kognitivno pharipena vaj nashti ahaljoven e javereski chib. E instrumentura vash lacheder interakcija thaj komunikacija lela vi e Communicate for All, Ask Me 3®/Komuniciribe Savorenge, Phuch Man3, Teach-Back thaj e Principon vash e Chib (teleder).
Individualcongere trubujimata:
E sistemon isi responsibiliteto te:
te oven informirime kaj isi olen hakaj vash komunikacija, so ka ovel lachi vash olengo kapaciteto thaj haljovipe;
dzanlipe vash olengi sastimaski kondicija thaj shajipe te haljoven pes e relevantno konceptura so phenen e profesionalcura, thaj so phenel pes ande printime materijalura;
dzanlipe te komunicirine vuzhes (vi online) thaj te roden klarifikacija;
shajipe te arakhen sode si adekvtno i sama thaj kobor, kotar personalno perspektiva, shaj kadala instrukcije thaj decizije shaj te len than an lengo sakodivesesko trajo thaj ande praktika.
adaptiribe transparentno thaj phutarde droma vash komunikacija, sar vi o bisiguriteto phanlo e sastimaskere rizikoncar;
keribe thana vash komunikacija savi so lela ani godzi e specijalno komunikacijakere trubujimata thaj e pacientongere kulturno avipa, deindoj olenge profesionalno translatoren vaj te trubuj olenge, vi kulturakere medijatoren;
te shaj te aven dzi pe digitalno eHealth/eSastipe thana thaj servisura manushenge save nisi vavereder komunikacijakere trubujimata, te keren olenge arakhiba muj-ko-muj mashkar lende;
ma te phenen medikalno zhargono vaj phare alava/vorbi (khetanutni chib te ovel) an lengi komunikacija;
te del treningo vash sastimaskere profesionalcura vash nekobor droma sar te komunicirinena e pacientoncar saven so isi vaj naj olen, kompleksno komunikacijakere trubujimata, thaj te komunicirinen pe digitalno trujalipa, te shaj e decizijako keribe te ovel khetanes kerdini.
O etabliribe/keribe “Jekhin vash Pacientongi Edukacija pe Leibe Draba” si misal vash lokalno dzanlimasko projekto ande Şanlıurfa Trening thaj Rodljarimasko Hoshpitali ande Anatolijako region ande Türkiye.
Cilo thaj objektivura:
Te sigurinel pes korektno leibe draba thaj efektivno rezultatura tretmanostar vash e pacijentura save pashljon ano hoshpitali thaj savenge dena pes e draba/medikamentija.
Target grupa:
Sa e pacijentura, leindoj kate vi e chaven (thaj lengere dajen vi daden) save si teli tretmano.
Metodo:
Kana ka dikhljarel pes o paciento, o doktori shaj te del ole medikamentura vash o pacijento. Kodoleske, e pacijentura bichavena pes ki “Jekhin vash Pacientongi Edukacija pe Leibe Draba” kote so e manusha keren buchi teli farmacistongi supervizija/kontrola. I Jekhin, savi so arakhela pes ko centralno kotor hoshpitalostar, vash lokheder avibe dzi pe leste, sicharel e pacienton sar te len pengere draba/medikamentura. E pacientura saven so isi hronichno nasvalimata trubuj te aven ande Jekhin sostar, olenge shaj t del pes ‘medikalno reporto’ kotar doktori specijalisto savo so dela shajipe e lokalno doktora te shaj te den recepto vash kadala draba thaj kadalesar, shaj ma te aven sako dzives ande hoshpitalo.
O sistemo te informirinen pes e pacijentura dijagnostirime nasvalipasar sasa aktivipa so astardas pe avgune 2000-tone bersha, sar kotor e avgune planestar vash o kansero. Kadale sistemosko cilo/resarin (so dela palpale ko pacientongo rodipe te kerel pes olencar generalno arakhiba) si te del e pacientonge lacheder kondicije (thaj lengere familijenge) kana ka oven informirime vash e dijagnoza thaj propozirime tretmano. Kodo sistemo dela suporto vash kodo te ikerel pes dzi pe propozirimo tretmano thaj strategije te adaptuil pes o nasvalimata. Bazirimo si upral i provizija katar e vuzhi thaj lachi informacija savi so ka respektuil e paciente thaj oleskere mangipa, so anela dzi pe realno suporto.
Target grupa:
Sa e pacientura kanserosar si targetirime sistemostar, astarindoj katar e inicijalno dijagnoza, astariindoj e avgune histologikane dijagnozastar dzi ko nasvalimasko konfirmiribe.
Metodo:
O sistemo si centririmo hochpitaloste thaj isi ole shtar faze:
pacientosko informiribe vash i dijagnoza thaj propozirimo nasvalimasko tretmano;
te ovel pes e pacientosar thaj te arakhen pes oleskere/olakere trubujimata;
legaripe/avipe dzi pe azhutimaski grizha (specijalno kana trubuj te ikerel pes o fertiliteto);
koordinacija mashkar o foro kote so trajil o paciento thaj o hoshpitali.
E pacienteske den apes buteder dokumentura save so ka achutin ole/ola te phirel trujal o sastimasko sistemo, sar so si e shajipena vash personalizirimi grizha an kodo phiripe, leindoj kate e tretmanoskere nivelura thaj e droma, kote thaj ko kobor chaso te ovel, informacija vash azhutimaski grizah thaj lista kontaktoncar.
O sistemo si bazirime upral e multidisciplinarno sama/grizha, majangle leindoj kate e doktoren thaj paramedicinakere manushen. O Nacionalno Instituto vash Kansero publicirindas rekomandacije thaj legarimaskere lilore te azhutil te pe ko keribe than thaj profesionalno sistemo. E hemime profesionalcura (vi e hoshpitalura vi e privatno prakticionerija) lena ad hoc edukacija pe kontinuiteto.
O sistemo evoluirindas e planencar vash o kansero, leindoj ani godzi e samaki/grizhaki diversifikacija (bareder rola pe agjare vakerdini "foro/diz" medicina) thaj e situacijen pe varesave grupe, sar so si e chavore thaj e manusha intelektualno pharipencar.
Efekto:
O sistemo vash informiribe e pacientongo saven si dijagnosticirime o nasvalipa, si implementirime pe sa e sastimaskere khera save si autorizirime te den tretmano vash o kansero. Olaki organizacija se vakerdini ande Nacionalno Kanser Instituteskere legarimaskere lila thaj si identichno pe sasto them. E sistemoski implementacija si jekh katar e transverzalno kondicije pe save so, sa e sastimaskere khera musaj te aplicirinen e kanseroskere tretmanon.
Dodendino kuchipa:
E sistemosko dodendino kuchipa pashljol upral e provizija kotar vuzhi thaj lachi informacija savi so respektuil e pacienten thaj olengere mangipena, so legarela dzi pe chachuno multidisciplinarno azhutipe. O fakti kaj sasa buhljardo trujal sasto them, dzaindoj pala referentno sistemo, si o majbaro kuchipe.
o nadzanipe laches e fransikane chibja, e pacientonge so phiren pe medikalno konsultacije, kerena pharipe te aven dzi pe kvalitetno sama. O promoviribe haljovipe mashkar e sastimaskere profesionalcura thaj e pacientura anela dzi pe:
lokheder vi lacheder avipe dzi pe prevencija, skriningo thaj medikalno grizha;
reduciribe pe narelevantno, chitrubujutne thaj kuch egzaminacije;
zurarkeribe e personaki autonomija thaj respekto vash oleskere vaj olakere hakaja (informacija, konfidentiteto, slobodno thaj informirimo konsento).
Kodoleske, o cilo sit e del pes e sstimaskere profesionalconge o shajipe te len translatorura.
Target grupa:
Sa kadala manusha so na dzannen mishto i chib kotar o Utar-Istikano region thaj sa e privatnikane doktora thaj medikalno pheja so bijankerena so shaj te oven kontaktirime olendar.
Metodo:
E privatnikane prakticionerija thaj medikalne pheja so bijankerena ano Utar-Istikano region shaj te roden, pe telefono (thaj/vaj ko than) translacijakere servisura kotar e Agence Régionale de Santé via akharimo tenderonge. Te keren kodo, majangle trubuj te registruin pes ki shema savi so dela 185 chiba. E profesionalconge si dendino legarimasko lil, so akharela olen, angleder te keren penge preparacije vash konsultacijevi pe hramosardi forma, te shaj te optimizirinel pes e translatoreski kontribucija. Kodo translacijako serviso si bilovengo vi e profesionalconge, vi e pacientonge. E translatorura musaj te ikeren pes dzi pe profesionalno garavipe/navakeribe javerenge.
Efekto:
O translatoro so vorbisarel e pacientoski chib, shaj pala o rodibe e profesionalcostar, te avel vash 5 minutura, vi ma te si teli programo.
Dodendino kuchipa:
Sar so sasa vakerdino upreder, o avipe dzi pe profesionalno sastimaski translacija azhutil te promovirinel pes kvalitetno avipe dzi pe dzi pe sama vash kadala so chi hacharen i chib mishto, thaj olengi lacheder integracija ano sastimasko sistemo. I translacija pala telefono, azhutisarel pes lokheder avipe dzi pe kasavo serviso tthaj te reducirinel pes o teritorijalno dispariteto.
Ask Me 3® si edukativno programo kerdino kotar o Instituto vash Sastimaski Sama, savo so dela kurazho e pacientenge thaj e familijenge te phuchen trin specifikane phuchipena te shaj lacheder te haljoven pengere sastimaske kondicije thaj so trubuj te keren te shaj te achoven saste.
Target grupa:
Dizajnirime katar e sastimaskere dzanlipaske ekspertura, Ask Me 3® si sigo, efektivno instrument dizajnirime te lacharel e komunikacija mashkar e pacientura, familije thaj kadala save so den sastimaskere servisura, te shaj e pacientura te oven buteder aktivne membrur ano sastimasko sistemosko timo.
Metodo:
Ask Me 3® promovirinela trin tikne, numa esencijalno phuchimata so e pacientur shaj te phuchen thaj e pacientenge si dendoshajipe savaht te ahaljoven o deibe palpale pe kadala phuchipena:
savo si mlo majbaro problemo?
so trubuj me te kerav?
soske si importantno me te kerav kodo?
Efekto:
Ask Me 3® naj komplicirime, naj kuch implementiribaske thaj kerela lachi komunikacija.
Dodendine kuchipa:
I aktivno participacija zurarkerela e paciente thaj vash e sastimaskere bucharne kerela lokheder e konverzacija. E phuchipena phuchline pacientondar dena e sastimaskere bucharnenge indicije vash olengo haljovibe, te akceptuin thaj te dikhen e situacija, so shaj te legarel e sastimaskere bucharnen te del adekvatno informacijen ki vrama.
The Health Literacy Tool Shed, si hostirimo kotar Boston Univerziteto. Kodo si jekh online databaza buteder 200 sastimaskere dzanlipaskere aktivipencar. An kodo site/than, isi informacije vash keripena/aktivipa, leindoj vi lengere psihometrikane karakteristike, bazirime upral dikhipa/lista katar revidirime literaturatar.
Target grupa:
Si databaza vash kadala so keren rodljaripa, so keren decizije thaj kadala so dena sastimaskere servisura. Azhutil/del dumo te identifikuin pes e majrelevantno butja te len pes ande rodljaripena pe sastimasko dzanlipen, vash e trubujimata, evaluacija thaj javer.
Metodo:
Kodo si phutardo haingeng/resursengi databaza, kote so shaj khuvel kon mangel bilovengo.
Efekto:
Bajrarela e shajipena te lel pes o majrelevantno instrumento vash savo vi te ovel rodljaripe an kodi sfera.
Dodendine kuchipa:
The Health Literacy Tool Shed/Kheroro vash Instrumentura pe Sastimasko Dzanlipe/ dela shjipe te alusaren pes e majlache instrumentura. Angleder, gasave instrumentura sasa publicirime numa ande dzanlipaskere zhurnalura. Kheroro vsh Instrumentura pe Sastimasko Dzanlipe, demokratizirindas kadla instrumenton thaj kerda sigeder te ulaven pes e dzanlipena thaj e instrumentura te oven lokhe arakhline.
Teach-Back/Sikav-Palpale/ si jekh aktiviteto koleste kadala so sikljona sikavena jekh jekhe so von siklile, sar egzamplo, kodolesar so phenena verbalno eksplanacije, demonstracije thaj dzanipena.
Target grupa:
Dzaindoj pala e US Agencija vash Sastimasko Dzanlipasko Rodljaripe thaj Kvaliteto, Sikav-Palpale si tehnika vash e sastimaskere buchara te sigurinen pes kaj von e pacientonge dije vuzhi, klaro informacija save so von thaj olengere familije haljovena so si komunicirimo olencar. Kodi intervencija lel an peste nekobor meterijalura te azhutil e adopcija.
Metodo:
O metodo si te kontroluil o haljovipe kodolesar so rodela pes e pacientondar te phenen pengere vorbencar so von trubuj te dzanen vaj te keren vash olengo sastipe thaj te konfirmuin kaj kadala bucha pe save dijas pes eksplanacija si hachardine kotar e pacientura. Sikav-Palpale, shaj te aplicirinel pes kana del apes eksplanacija vash importantno thaj kompleksno konceptija e pacientonge vash oelngi sastimaski sama, sar so si, neve dijagnoze, medikamentija/draba, instrukcije vash kherutni sama, tretmanongere planura, so te kerel pes javerchane, tretmanoskere opcije thaj instrukcije so te kerel pes dureder.
Efekto:
E resursura so trubuj pes vash Sikav-Palpale naj bare. E sastimaskere buchara shaj te implementirinen Sikav-Palpale ki vrama kotar olengi regularno buchi. I vrama vash kadale praktikako implementiribe si minimalno thaj na hasarela pes but vrama.
Dodendine kuchipa:
Kerindoj Sikav-Palpale sistematikane zhutil te teljaren pes e bariere thaj te lacharen pes vi i komunikacija vi e procesura.
Buteder tekstija vash esastimaskere informacije, vi dureder sip hares bute manushenge te ginaven. Dzikote i simplo chib si jekj kotar buhleste fundirime solucije te adresirinel pes o limitirimo sastimasko dzqnlipe, e benficije savorenge akharena e sastimskere organizacije te keren kodo butivar.
Target grupa:
Dzanindoj kaj e komunikacije vash e klichno rodljaripe shaj te oven but tehnikane thaj kompleksno, trubuj te lel pes simplo chib savi so shaj but vuzhes thaj klaro te den eksplanacija vash e informacija te shaj i targetirimi publika lokheder te haljovel. I target grupa shaj te oven e pacientura, sastimaskere buchara, javera akterura ande sastimasko eko-sistemo save so pharuvena kadala phuchipena thaj bucha. .
Metodo:
Chibjako planu azhutil kadalen so ginaven te:
arakhen so trubuj olenge;
ahaljoven kodo so arakhle;
len kodo so arakhle te chaljaren pengere trubujimata.
Efekto:
Aplicirindoj e simplo chibjakere principon, i relevatno sastimaski informacija kerela pes te ovel but simplo, shaj lokheder te ginavel pes, kerela pes I informacija te ovel ki vrama thaj aktivno.
Dodendine kuchipa:
I simplo chib azhutinel o avibe dzi pe informacija, jekhipe thaj participacija ande societa/them. Pe jekh vrama lacharela o efektiviteto thaj vazdel pacaibe pe brendo.
Mapiribe pe lingvistikane thana kerela pest e shaj te dikhel pes sar e manusha navigirinena/phiren ko sastiaskere sistemura thaj te lacharel pes sastipaskere sistemongo trujalipa.
Target grupa:
Kodo si instrument vash e sastimaskere buchara, menadzerura, kadala so keren decizija, te shaj te lacharen pes e servisongoro dizajno thaj te ovel lokheder kadalenge so lena e servison.
Metodo:
O leipe e lingvistikane analizako sar dijagnostika, e relevatno phuchipena sja te len vi:
sode thaj pe save chibja sikavena pes ande hramovipa pe znakura ande specifikane publikane thana?
si kadala hramovipa monolingvalno, bilingvalno, multilingvalno thaj pe save kombinacije sikavena pes e chibja?
lena pes diferentno chiba vash diferentno bucha thaj ande diferentno domenija?
pe save forme sikavena pes e znakura/hramovipa (table anonsenge, trafiko znakura, bilbordura, pe boltengire vitrine, posterura, flagura, banerura, grafitija, meniura, gada harne bajencar, Facebook, Twitter, Instagram, Blogs, Websites)?
so si e chabjasa thaj lakere normativencar: ortografija, konvencije vash vasthramovipe, leksikonura, sintaksa, edukacijako nivelo?
Avutno phundro ka kerel horder analize thaj znakongo interpretiribe. Dikhindoj so horeder e znakura shaj te sikaven thaj den eksplanacija, phenel pes vi indeksiteto. E egzamplura lena o dikhipe vash i nakhli vrama (misal, produkcijakere kondicije), o avutnipe (misal, e akceptuibaskere kondicije), thaj akanutnipe (misal, pe specifikane thana kote so chivena pes e znakura mashkar e vaver znakura).
Efekto:
Lingvistikane pejsazhongo mapiribe si drom te dikhen pes e semiotikane znakura ande publikane thana thaj te studirinel pes sar i chib lela vaj na lela e manushen ande komunikacija thaj sasti participacija ande societa thaj societakere kontekstura.
Figure : Example of linguistic landscapes - signposting in hospitals
Dataki vizualizacija, sar so si e infografike thaj e grafikonura, ule/avile jekh drom te prezentuil/te sikavel pes medikalno data/informacija, so kerela influence upral decizijako anibe vi pe kolektivno, vi pe individualno nivelo te shaj te bajrarel o sastimasko dzanlipe.
Target grupa:
O leipe vizuelno elementura thaj simplo chib, azhutil e individualco save so isi limitirimo sastimasko dzanlipe thaj dzanlipe matematika, te anel dzi pe lacheder sastimaskere gindipena thaj praktike.
Metodo:
Dataki vizualizacija kerela vi chinibe e datakere punkton ko senso pe vrama, than thaj elementura savencar e manusha si pashe/familijarno, vaj te personalizirinen/lokalizirinen e numeron, te shaj te oven lacheder hachardine/haljovde. E kontrolno table indormacijencar/datasar, shaj te oven efektivno vizualizacijakere instrumentura (misal, tabele, dijagramija mariklasar thaj dijagramija kolonencar, histogramija, buhljarde grafikoja, mape vash tatipa thaj kashtengere mape). Shaj te kombinirinel pes e infografikoncar, sar so si ikone thaj tikneder teksto te sikavel pes i vizuelno naracija.
Efekto:
Vakeribe paramisa datasar trujal simplo grafikonura, komparativno grafikonura thaj reprezentativno ikone, butivar zhutisarel o implicitno te ovel eksplicitno te bajrarel pes o individualno thaj publikano sastipe.
Dodendine kuchipa:
I data vizualizacija shaj te kerel lacheder o haljovipe thaj e analize, sar vi te anel dzi ko lacheder thaj sigeder anipe decizije.
“Komunicirin vash savore: legarimasko lil vash lokheder komunikacija” si legaripe kerdino kotar e Francijaki sastimaski agencija (Santé Publique France) bazirime opral dzanlipasko koncepto.
Target grupa:
Kodo legarimasko lil si vash sa e akterura hemime ande dizajniribe thaj ulavipe informacijengo vash savour, bizi te dikhel pes pe lengi publika vaj dzanlipena: generalno populacijake, migrantonge, bidzanglipaskere manushenge, phureder manushenge, manushenge saven so isi varesavo disabiliteto. Kodo referencongo fremo sasa, mashkar e javera, dizajnirime vi vash sastimaskere thaj medico-socijalne khera thaj servisura, te azhutil olen te oven pro-dzanlipaskere organizacije. Si importantno vi vash sastimaskere profesionalcura thaj kadala profesionalcura so promovirinena kodo.
Metodo:
Kodo legarimasko lil si but praktikano metodo, ilustririmo bute misaloncar/egzamploncar, si jekh azhutimos te kerel pes ramosardi, oralno, digitalno, piktoralno komunikacija, bizi te dikhel pes savo nivelo si e pacientongo sastimasko dzanlipe. O legarimasko lil phenel vi sostar te nashel pes, te shaj te ulaven pes lache praktike.
Efekto:
O legarutno lil chaljarela e akterongere trubujimaton, leindoj ani godzi khamen von te dizajnirinen printime materijalura, dizajnirinen vaj len imazhura, dizajnirinen web rigora vaj digitalno mediumen, dizajnirinen oralno komunikacija. Pe jekh vrama dela droma sar te len pes ani godzi e diference ande dzanlipena ki jekh organizacija andre.
Dodendine kuchipa:
O legarimasko lil si dizajnirimo te shaj e akterura save so konsultirinena ole, si legardime phundro pala phundro pe komunikacijakoro dizajniribe gasave dromesar, te shaj te oven hachardine/haljovdine savorendar.
Cilo thaj objektivura:
