"Java kundër Diskriminimit" nisi në Tiranë me një Forum Diskutimi mbi përparimin që Shqipëria ka bërë veçanërisht në zhvillimin dhe zbatimin e një legjislacioni më gjithë-përfshirës për mbrojtjen nga diskriminimin si dhe luftën ndaj krimit të urrejtjes. Forumi ishte një mundësi për të ndarë gjetjet e studimit të fundit "Pjesëmarrja politike e personave LGBTI në Shqipëri" dhe për të disktutuar me rreth 100 të ftuarit nga inistitucionet kyçe të pushtetit qendror dhe vendor, organizata ndërkombëtare, organet e barazisë, ekspertë, organizata të shoqerisë civile etj., mbi arritjen e standardeve evropiane dhe respektimin e konventave ndërkombëtare për mbrojtjen e të drejtave të njeriut.
Ky aktivitet u organizua nga Open Mind Spectrum Albania (OMSA), në bashkëpunim me Ministrinë e Shëndetësisë dhe Mbrojtjes Sociale si dhe me mbështetjen e programit të përbashkët të Bashkimit Evropian dhe Këshillit të Evropës “Instrumenti Horizontal për Ballkanin Perëndimor dhe Turqinë 2019 – 2022".