Pakicat rome dhe egjiptiane pengohen në proceset integruese vendore si pasojë e sfidave të tilla si varfëria, kushtet e vështira të jetesës, arsimim dhe kujdes shëndetësor jo i plotë dhe akses i ulët në tregun e punës.
Qendrat komunitare përfaqësojnë vende kyçe të mbledhjes për lidhjen dhe koordinimin e shërbimeve sociale dhe edukative, veçanërisht për grupet më në nevojë në nivel vendor. Pë këtë qëllim, qendrat komunitare nevojitet të ndërmarrin një qasje multi-dimensionale dhe ndërseksionale, duke u mundësuar grupeve të margjinalizuara aksesin dhe bashkëpunimin me agjenci të ndryshme, shtetërore dhe private, si dhe një akses më të mirë në shërbime sociale më cilësore dhe të arritshme për këto komunitete.
Në këtë kontekst, Plani Operacional i Qendrës Komunitare të Bashkisë Korçë në Shqipëri propozohet si një model për planifikim dhe organizim më të mirë të çdo qendre komunitare vendore. Ky Plan Operacional synon të ridimensionojë punën e qendrës komunitare dhe të shërbejë si një udhëzues për administrimin dhe veprimtarinë e Qendrës, si dhe të integrojë në profilin e saj edhe rolin e një mekanizmi lehtësues për zbatimin e politikave përfshirëse për pakicat rome dhe egjiptiane në nivel vendor.
Plani Operacional u zhvillua në partneritet me Bashkinë Korçë, si një prej bashkive partnere në Shqipëri dhe u mbështet prej programit ROMACTED të Bashkimit Evropian dhe Këshillit të Evropës.