Ministria e Shëndetësisë dhe Mbrojtjes Sociale ka udhëhequr me sukses një iniciativë për të integruar Buxhetimin e Përgjegjshëm për Romët dhe Egjiptianët në Udhëzimet e Buxhetimit afatmesëm (2026-2028). Me miratimin e Ministrisë së Financave, kjo masë e rëndësishme tani është përfshirë zyrtarisht në Udhëzimin Nr. 4073, datë 28/02/2025, duke siguruar që proceset e planifikimit të buxhetit të adresojnë në mënyrë sistematike përfshirjen e romëve dhe egjiptianëve.

Kjo arritje reflekton angazhimin serioz të Shqipërisë për të promovuar qeverisjen gjithpërfshirëse dhe është në përputhje me angazhimet e saj në kuadër të Deklaratës së Poznanit për Integrimin e Romëve (2019). Me përfshirjen e buxhetimit të përgjegjshëm për Romët në planifikimin financiar kombëtar, Shqipëria vendos një precedent për institucionalizimin e politikave buxhetore të barabarta.

Për më tepër, programi i përbashkët i Bashkimit Evropian dhe i Këshillit të Evropës “Integrimi i Romëve III”, në bashkëpunim me Ministrinë e Financave dhe Ekonomisë, do të përshtatë në kontekstin shqiptar udhëzimet rajonale për buxhetimin e përgjegjshëm rom, të zhvilluara më parë nga Këshilli i Bashkëpunimit Rajonal. Këto udhëzime do të shërbejnë si një mjet strategjik për të forcuar kapacitetin e drejtorive të financave brenda ministrive të linjës, duke siguruar një planifikim efektiv buxhetor për programet specifike për romët dhe egjiptianët dhe duke forcuar përgjegjshmërinë në shpenzimet publike.

Iniciativa u mbështet nga programi i përbashkët i Bashkimit Evropian dhe i Këshillit të Evropës “Integrimi i Romëve III”, i zbatuar nga Divizioni i Romëve dhe Udhëtarëve i Këshillit të Evropës.