Back Prokurorë të Ballkanit Perëndimor shkëmbejnë eksperiencat mbi efikasitetin dhe cilësinë në një seminar rajonal të zhvilluar në Vlorë

Prokurorë të Ballkanit Perëndimor shkëmbejnë eksperiencat mbi efikasitetin dhe cilësinë në një seminar rajonal të zhvilluar në Vlorë

Komisioni Europian për Efikasitetin e Drejtësisë (CEPEJ) në bashkëpunim me Këshillin Konsultativ të Prokurorëve Europianë (CCPE) organizoi më 15 dhe 16 maj në Vlorë, një seminar shumëpalësh të nivelit të lartë për prokuroritë e Shqipërisë, Bosnjes dhe Hercegovinës dhe Kosovës* me fokus në “Praktikat e mira dhe sfidat e përbashkëta në lidhje me efikasitetin dhe cilësinë e punës së sistemit të prokurorisë”.

Aktiviteti në të cilin morën pjesë përfaqësues të Këshillit të Lartë të Prokurorisë dhe Prokurorisë së Përgjithshme të Shqipërisë, Këshillit të Lartë Gjyqësor dhe Prokurorial të Bosnjes dhe Hercegovinës dhe Këshillit të Lartë të Prokurorisë së Kosovës, u hap nga Prokurori i Përgjithshëm i Shqipërisë, nga Anëtari i Këshillit të Lartë Gjyqësor dhe Prokurorial të Bosnjes dhe Hercegovinës dhe nga Kryeprokurori në detyrë i Shtetit të Kosovës*.

Pjesëmarrësit zhvilluan diskutime dinamike dhe interaktive mbi praktikat e mira të zbatuara në Shqipëri, Bosnjë dhe Hercegovinë dhe Kosovë* si dhe sfidat e përbashkëta të funksionimit të sistemit të prokurorisë dhe në veçanti çështjet që lidhen me organizimin, menaxhimin dhe kompetencat e prokurorive, mbledhjen dhe analizën e të dhënave dhe komunikimin me shtypin dhe median. Gjithashtu u diskutua mbi eksperiencën dhe praktikat e përzgjedhura Europiane lidhur me mbledhjen dhe analizën e të dhënave dhe përdorimin e tyre në vendimmarrje me qëllim përmirësimin e funksionimit të prokurorive dhe ndërtimin e marrëdhënieve të zyrave të prokurorisë me publikun.

Pjesëmarrësit patën gjithashtu mundësinë të diskutojnë mbi opinionet e CCPE përkatësisht (Opinion Nr. 18 (2023) për “Këshillat e Prokurorisë si organe kyçe të vetëqeverisjes së prokurorisë”; Opinioni nr. 8 (2013) për "Marrëdhëniet ndërmjet prokurorëve dhe medias"; Opinioni nr. 7 (2012)për “Menaxhimin e mjeteve të shërbimeve të prokurorisë” dhe punën e vazhdueshme për zbatimin e tyre.

Ky aktivitet u bashkëorganizua nga projektet e CEPEJ në rajon, përkatësisht projekti “Drejt një vlerësimi më të mirë të rezultateve të reformave gjyqësore në Ballkanin Perëndimor – Dashboard Western Balkans”, projekti SEJIV “Forcimi i Cilësisë dhe Efikasitetit të Drejtësisë në Shqipëri”, projekti BiHSEJ “Forcimi i Efikasitetit dhe Cilësisë së Drejtësisë në Bosnjë dhe Hercegovinë”dhe projekti KoSEJIII “Forcimi i Cilësisë dhe Efikasitetit të Drejtësisë në Kosovë*’’ në kuadër të programit të përbashkët të Bashkimit Europian dhe Këshillit të Europës  Instrumenti Horizontal për Ballkanin Perëndimor dhe Turqinë (Instrumenti Horizonatl III), i bashkëfinancuar nga Bashkimi Europian dhe zbatuar nga Këshilli i Evropës.

 

 

* Ky përkufizim është pa paragjykim ndaj qëndrimeve për statusin, dhe është në përputhje me Rezolutën e Këshillit të Sigurimit të Kombeve të Bashkuara 1244 dhe Opinionin e GJND-së mbi shpalljen e pavarësisë së Kosovës.

Vlorë, Shqipëri 15-16 Maj 2024
  • Diminuer la taille du texte
  • Augmenter la taille du texte
  • Imprimer la page

Projekti Forcimi i efikasitetit dhe cilësisë së drejtësisë në Shqipëri (SEJIV) po mbështet institucionet dhe gjykatat qeverisëse të drejtësisë në zbatimin e reformave që synojnë rritjen e efikasitetit dhe cilësisë së sistemit të drejtësisë bazuar në mjetet dhe metodologjitë e CEPEJ të përshtatura në kontekstin shqiptar. Projekti, i cili zhvillohet në kudadër të programit Instrumenti Horizontal për Ballkanin Perëndimor dhe Turqinë që do të zbatohet nga janari 2023 deri në dhjetor 2026.

Cilat është qëllimi dhe objektivat e projektit?

Qëllimi kryesor i projektit është që institucionet e drejtësisë të bëhen më transparente dhe efikase përmes përmirësimit të menaxhimit dhe performancës së gjykatave, përmirësimit të cilësisë së shërbimeve për përdoruesit në përputhje me standardet dhe mjetet e CEPEJ-it, të mbështetur nga një përdorim më i gjerë i teknologjisë së informacionit dhe mjeteve online.

Më konkretisht projekti synon:

  • Rritjen e mëtejshme të kapaciteteve të institucioneve gjyqësore dhe të gjykatave për të përmirësuar mbledhjen, përpunimin dhe analizimin e statistikave gjyqësore;
  • Shtrirjen e përdorimit të zgjidhjeve alternative të mosmarrëveshjeve.

Kush përfiton nga projekti?

  • Përfituesit dhe institucionet partnere përfshirë: Ministrinë e Drejtësisë, Këshillin e Lartë Gjyqësor, Këshillin e Lartë të Prokurorisë, Shkollën e Magjistraturës, Prokurorinë e Përgjithshme, Inspektorin e Lartë të Drejtësisë, si dhe gjykatat;
  • Profesionistët ligjorë të fushës duke përfshirë Dhomën e Avokatëve, Dhomën Kombëtare të Ndërmjetësimit, administratorë gjykatash, gjyqtarë dhe prokurorë;
  • Përdoruesit e gjykatave në Shqipëri.

Si do të funksionojë projekti?

Projekti mbështetet në rezultatet e fazave të mëparshme të programit dhe do të përdorë një qasje hap pas hapi me monitorim të rregullt të procesit të reformës dhe angazhimin e përfituesve kryesorë në të gjitha aktivitetet.

Projekti do të sigurojë aktivitete vlerësimi në bashkëpunim të ngushtë me përfituesit dhe do të ofrojë raporte rekomandimesh për të gjitha institucionet përkatëse si në nivelin qeverisës ashtu edhe në atë të gjykatave.

Aktivitetet e trajnimit të gjykatave do të organizohen me qëllim ofrimin e përvojës praktike për gjykatat e riorganizuara, duke shfrytëzuar mundësinë e zbatimit të hartës së re gjyqësore.

Projekti do të zbatojë aktivitete të tilla si vlerësime nevojash, aktivitete të synuara të trajnimit të gjykatave, rishikim të kuadrit rregullator, organizim seminaresh trajnimi dhe workshopesh, vizita studimore, mbështetje për stazh, trajnime të trajnerëve, pjesëmarrje të përfituesve në grupet e punës të CEPEJ-it, ekspertizë për grupet e punës për përfituesit, etj.

Çfarë presim të arrijmë?

Gjatë zbatimit të tij, projekti do të kontribuojë në:

  • Një sistem gjyqësor transparent dhe efikas i cili ofron shërbime më të mira për qytetarët e Shqipërisë në përputhje me standardet dhe mjetet e CEPEJ-it;
  • Forcimi i kapaciteteve të institucioneve gjyqësore dhe të gjykatave në lidhje me mbledhjen, përpunimin dhe analizimin e statistikave gjyqësore;
  • Përdorimi i zgjeruar i zgjidhjeve alternative të mosmarrëveshjeve në sistemin e drejtësisë në Shqipëri.

Sa është buxheti i projektit?

Buxheti i përgjithshëm i projektit është 859,000 Euro.

Buxheti i alokuar për programin e përgjithshëm të Instrumetit Horizontal arrin në rreth 41 milion euro (85% financuar nga Bashkimi Evropian, 15% nga Këshilli i Evropës).

Si të marrësh më shumë informacion?

Rreth Instrumentit Horizontal për Ballkanin Perëndimor dhe Turqinë

Instrumenti Horizontal për Ballkanin Perëndimor dhe Turqinë është një iniciativë e përbashkët e Bashkimit Evropian dhe Këshillit të Evropës që u mundëson përfituesve nga Ballkani Perëndimor dhe Turqia të përmbushin axhendat e tyre në fushën e të drejtave të njeriut, shtetit të së drejtës dhe demokracisë, në përputhje me standardet evropiane, si prioritet i procesit të zgjerimit të BE-së.